Serbët, Kosova me ligj special për
Bashkësinë e komunave serbe

MITROVICE - Fitorja e Iniciativës Qytetare “Srpska” në nëntë nga dhjetë komunat në Kosovë garanton se do të formohet Bashkësia e komunave serbe (BKS) qëllimi kryesor i të cilës është mbetja e serbëve në Kosovë dhe e cila do të jetë e njohur nga Serbia, ka thënë për “Blic” Vladeta Kostiç, kryetar i “Srpska-s”.

“Srpska” ka fituar në Mitrovicën Veriore, Leposaviç, Zubin Potok, Zveçan, Graçanica, Novo Bërdë, Ranillug, Kllokot dhe Partesh.
 
Partia e Pavarur Liberale ka fituar në Shtërpcë.
 
Formimi i BKS-së, sipas gazetës “Blic” pritet të formohet më së largu deri në gjysmën e janarit. Por, deri atëherë, shkruan kjo gazetë, duhet hartuar statutin Bashkësisë... e edhe Kuvendi i Kosovës duhet të miratojë ligjin kushtetues ose një lloj “lex specialis” (ligj special) që do të njihte Bashkësinë... dhe do të mundësonte që ligjet e Bashkësisë serbe t’iu nënshtrohen ligjeve në Kosovë në fushat që serbëve ua garantojnë Brukseli, Beogradi e Prishtina, shkruan Koha.
 
Oliver Ivanoviç, lider IQ “Serbia-demokracia –drejtësia” thotë se më i rëndësishmi është përfundimi i strukturës së BKS-së dhe mënyra se si ajo do të konstituohet.

Sipas tij, kjo mënyrë me siguri se do të debatohet në Bruksel, pasi bëhet fjalë për organin më të rëndësishëm që nuk do të ketë kompetenca ligjvënëse por ndikimi i të cilës do të jetë shumë i rëndësishëm.
 
Redaksia online
(ac/shqiptarja.com)