Serbia akuzon: Maqedonia na ka
përgjuar/ Pritet bisedë Vuçiç-Zaev

Situata mes Serbisë dhe Maqedonisë është mjaft e nxehtë pas tërheqjes së trupit diplomatit nga Shkupi nga ana e Beogradit.
 
Serbia pretendon se shërbimet e inteligjencës së Maqedonisë kanë përgjuar diplomatët e saj por edhe Ivica Daçiç.
 
Në një reagim për mediat serbe, kryediplomati serb u shpreh se është në dijeni të gjithçkaje. “Unë mund të ju them se ne dimë gjithçka, ne dimë se çfarë vendimi kanë marrë ata, çfarë punojnë e çfarë do të punojnë.
 
Ata duhet të kuptojnë se ne dimë gjithçka. Serbia dëshiron ta qetësojë situatën e re të krijuar me Maqedoninë, e cila nuk bazohet në supozime, por në fakte të vërtetuara pa hamendje të cilat flasin për ofenzivë të forcuar të kundër Serbisë” tha Ivica Daçiç.
 
Ndërsa për të qartësuar situatën pritet një bisedë telefonike mes Presidenti Vuçiç dhe kryeministrit maqedonas, Zaev.
 
Raportet mes dy vendeve u tensionuan kur Maqedonia kishte mbështetur anëtarësimin e Kosovës në UNESKO, për të vazhduar më pas me përfshirjen e një agjenti serb në protestat e dhunshme në Kuvend më 27 prill. 


dy.b/shqiptarja.com