Qeveria serbe ka kërcënuar Bosnje Hercegovinën me shpërbërje, nëse ajo njeh pavarësinë e Kosovës.
Ministria e Mbrojtjes serbe publikoi një deklaratë nga Ministri Aleksandar Vulin, i cili paralajmëroi presidentët boshnjakë dhe kroatë të Bosnjes se ai do të mbështeste pavarësinë e Republikës Serbe nëse ata mbështesnin atë të Kosovës.
Kërcënimi vjen në të njëjtën ditë pas një votimi të pasuksesshëm të presidencës trepalëshe të Bosnjes mbi njohjen e Kosovës.
Prej vitesh përfaqësuesit boshnjakë dhe kroatë të presidencës kanë lobuar pro pavarësisë së Kosovës, por gjithnjë janë bllokuar nga përfaqësuesit serbë në presidencë.
Edhe kësaj radhe, Milorad Dodik, kreu i njësisë serbe në Bosnje, votoi kundër.
Vulin kritikoi udhëheqësit boshnjakë dhe kroatë të presidencës, Shefik Xhaferoviç dhe Zhelko Komshiç, për votimin pro pavarësisë së Kosovës.
Ai tha se vota e tyre tregon se ata nuk kujdesen për mendimin dhe ndjenjat e serbëve në Bosnje.
Ministri, në mënyrë ironike, i drejtoi një pyetje presidentit serb Vuçiç se për sa kohë ai planifikon të ruajë integritetin territorial të Bosnjes, ndërsa presidentët e saj nuk respektojnë Serbinë.
Duke vazhduar më tej ‘kritikën’ e tij ndaj Vuçiçit, ministri ‘e paralajmëroi’ atë se nuk mund t’i falë boshnjakët dhe kroatët për “vrasjen e Serbisë”, ashtu si ai i fali ata kur ata u përpoqën ta ‘vrisnin’ atë në Srebrenicë.
Pretendimi i Vulin për një përpjekje për të vrarë Vuçiçin i referohet protestës në vitin 2015, kur presidenti i Serbisë vizitoi Srebrenicën në 20 vjetorin e gjenocidit. Brenda dhjetë ditësh duke filluar nga 11 korrik 1995, forcat serbe vranë 8,372 myslimanë boshnjakë në Masakrën e Srebrenicës.
Vuçiçi mirënjohës ndaj Putinit për ndihmën ushtarake
Në vitin 1995, Vuçiç ishte deputet i Partisë Radikale Serbe nacionaliste ekstreme të djathtë, sekretari i saj i përgjithshëm dhe një nga vullnetarët që vizituan Sarajevën nën rrethim për të mbështetur trupat serbe. Në vitin 1998 ai u bë Ministri i Informacionit i Sllobodan Millosheviç dhe qëndroi në pozicionin e tij gjatë gjithë luftës së Kosovës dhe masakrave të shumta mbi civilët nga ushtria serbe.
Familjarët e 8,372 boshnjakëve të masakruar nga serbët në Srebrenicë nuk e mirëpritën vizitën e Vuçiçit në 2015 dhe protestuan duke hedhur gurë ndaj tij. Kjo është ‘përpjekja për vrasje’ kundër Vuçiç, për të cilën Vulin pretendon se ai ka falur boshnjakët.
“Nëse në Bosnje ata janë për një Kosovë të pavarur, unë jam për një Republikë të Pavarur Serbe,” tha në fund të kërcënimit Ministri i Mbrojtjes Aleksandar Vulin.
Mbetet e paqartë nëse ky kërcënim përbën një shkelje të marrëveshjes së nënshkruar në prani të Presidentit Trump, përmes të cilit Serbia u zotua të ndalonte lobimin në vendet për të tërhequr njohjen e tyre të Kosovës./Exit.al
Komente
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Politikani serb paralajmëron ikjen e Vuçiçit nga Serbia: Do të veprojë si Assadi
19 Dhjetor, 09:29 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Spiunimi i BIA-s, Serbia në 'burgun digjital'
18 Dhjetor, 08:22
Nuk eshte me Serbia e Vuciqi per prishjen e shtetetve,si B e H dhe Kosova apo ndonje tjeter per rreth.Serbia ka problemin e rrudhjes se metejshme,lirimit te trojeve te gllaberuara nga popujt dhe shtetet per rreth.Serbia edhe ekshtu sic eshte nuk eshte me troje e popull te vete,por ne vete ka edhe shume hapesira dhe popuj jo swerb,si Boshnjaket,hungarezet dhe shqiptaret.Te cilet doemos duhet t'i liroje,nese desh iron qetesi ne rajon dhe miqesi me popuj e shtete fqinje.
PërgjigjuProvoje nje here ta shohesh cfare te gjen. As milloshevici nuk guxonte ta bente jo me ti bythec...!
PërgjigjuJa dhe Idioti I Beogradit qe I ka mbetur ora mbrapa ne kohen e Jugosllavise.Do te doja qe Bosnja ta kuptoje qe eshte shtet I pavarur dhe te gjeje kurajon e Malit te Zi qe vendosi te jete zot I fateve te veta!
Përgjigju