POP 5

Lajmet më të lexuara të 5 minutave të fundit

Sport

Seria A, mbyllet java e 10, Roma mund Sampdorian dhe ngjitet në vend të katërt! Ngec në barazim Fiorentina (VIDEO)

Roma mundi 1-0 Sampdorian në javën e 10-të të Serisë A dhe ngjitet në vend të katërt. Verdhekuqtë janë 4 pikë larg Napolit kryesues të cilin do ta sfidojnë këtë të dielë në “Olimpico”. Ndërkaq Fiorentina ka harruar të fitojë pasi edhe ndaj Leçes nuk shkoi më shumë se barazimi.

Roma arrin fitoren e tretë radhazi në Serinë A dhe ngjitet në vend të katërt në zonën Champions. Mbrëmë në “Marassi” verdhekuqtë e Jose Mourinho mundën minimalisht 1-0 Sampdorian. Vendosi një penallti e kthyer në gol nga kapiteni Lorenzo Pellegrini. 4 pikë më pak se Napoli i vendit të parë numëron Roma pas 10 javësh kampionat. Këtë të dielë Mourinho e Spalleti sfidohen në “ Olimpico” në një Roma-Napoli që premton spektakël.

Ndërsa Fiorentina në kampionat ka harruar të fitojë. “Vjollcët” nuk shkuan më shumë se barazimi 1-1 në stadiumin “Via del Mare” ndaj Lecce-s. Madje ishin vendasit që kaluan të parët në avantazh me Assan në fundin e pjesës së parë dhe Fiorentina barazoi në fillimin e të dytës me Kouame. Vetëm vendi i 13-të në renditje për Fiorentinën që të shtunën pret Interin ndërsa Lecce momentalisht është jashtë zonëës së rënies nga kategoria./ Përgatiti Andi Kapxhiu

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça