Këtë të dielë Serie A e futbollit në Itali zhvilloi pesë ndeshje të vlefshme për raundin e 22-të. Juventusi dominoi 3-0 Napolin, ndërsa te tri pikët dolën Genoa, Atalanta dhe Sassuolo. Në mbrëmje Roma ndali në barazim 1-1 Milanin, ndërkohë që i fituar doli Interi kryesues.

Në ‘Allianz Stadium’ Juventusi dominoi dhe fitoi 3-0 ndeshjen direkte kundër Napolit. ‘Zonja e Vjetër’ kaloi në epërsi pas 22 minutave lojë me anë të Jonathan David. Në fraksionin e dytë ishte Yildiz dhe Kostic që shënuan edhe dy herë të tjera për të bërë që Juvja të ngjitet në kuotën e 42 pikëve.

Në ‘Olimpico’ Roma dhe Milani barazuan 1-1, një rezultat që më shumë i shërben rivalëve për zonën Champions. Ndeshja prodhoi disa raste në pjesën e parë, por 45 minutat u mbyllën me rrjeta të paprekura. Duhej minuta e 62-të që pasimi i Modric të shfrytëzohej nga De Winter për t’i dhënë epërsinë kuqezinjve. Më pas Roma shtyu në sulm dhe gjeti golin e barazimit me Lorenzo Pellegrinin nga pika e bardhë e 11 metërshit. Milani mbetet në vendin e dytë me 47 pikë, duke humbur terren nga Interi kryesues. Ndërkohë që Roma mban pozitën e tretë me 43 pikë, aq sa ka edhe Napoli.

Në 'Luigi Ferraris' Genoa përmbysi 3-2 Bolognan. Miqtë kaluan në epërsi me golat e Ferguson dhe Otoa (autogol), ndërsa Malinovsky, Ekuban (ish-i i Partizanit) dhe Junior Messias përmbysën gjithçka për ekipin e De Rossit. Në stol te Genoa për herë të dytë ishte edhe sulmuesi i kombëtares shqiptare të moshave, Joi Nuredini.

Atalanta u rikthye te fitorja duke mposhtur 4-0 Parmën në Bergamo. Scamacca me penallti dhe De Roon shënuan në pjesën e parë, ndërsa Raspadori dhe Krstovic "vulosën pokerin". 45 minutat e para për Atalantën luajti Berat Gjimshiti i cili ka lënë pas një lëndim.

Në 'Mapei Stadium' Sassuolo iu fal golit të Fadera pas tre minutash lojë për të mposhtur 1-0 Cremonesen.

Serie A, raundi 22:

E diel, 25 janar 2026

12:30 Sassuolo 1-0 Cremonese

15:00 Atalanta 4-0 Parma

15:00 Genoa 3-2 Bologna

18:00 Juventus 3-0 Napoli

20:45 Roma 1-1 Milan

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Shkurt, 10:30

    Haga kërkon dënimin me 180 vite burg për ish-krerët UÇK, si e vlerësoni?

Lajme të tjera