ITALI - Napoli ka marrë një fitore të rëndësishme në udhëtim këtë të dielë kundër Romës, duke siguruar pikët e plota në sfidën e javës së 13-të në Serie A. Napolitanët triumfuan me rezultatin minimal 0-1.

Skuadra e Contes e nisi më mirë ndeshjen, duke rrezikuar fillimisht me Noa Lang dhe Giovanni Di Lorenzo, të cilët iu afruan golit në aksionet e para. Epërsia erdhi në minutën e 36-të, kur David Nerres realizoi pas një aksioni të bukur të përgatitur nga Rasmus Hojlund, i cili dha një asistim perfekt për golin vendimtar. Hojlund më vonë pati mundësinë të dyfishonte shifrat, por tentativa e tij u ndal nga një pritje spektakolare e portierit Svilar.

Me këtë fitore, Napoli barazon Milanin në krye të Serie A me 28 pikë. Ndërkohë Interi dhe Roma me nga 27 pikë janë në ndjekje.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera