LAS VEGAS – Një ish-informator i FBI-së që pretendon se ka lidhje me shërbimet ruse të zbulimit dhe i cili akuzohet se gënjeu për një skemë korrupsioni prej disa miliona dollarësh me përfshirje të familjes së presidentit Joe Biden, u mor sërish nën arrest të enjten në Las Vegas, dy ditë pasi ishte liruar nga gjykatësi, njoftuan avokatët e tij.
Alexander Smirnov u arrestua gjatë një takimi të enjten në mëngjes në zyrat e avokatëve të tij në Las Vegas. Arrestimi ndodhi pasi prokurorët apeluan vendimin e gjykatësit që lejoi 43-vjeçarin Smirnov, me shtetësi të dyfishtë amerikane dhe izraelite, të lihej në gjendje të lirë me një paisje gjurmimi në trup, deri në zhvillimin e gjyqit. Ai akuzohet për deklarata të rreme dhe për krijimin e një prove fiktive.
Avokatët David Chesnoff dhe Richard Schonfeld u shprehën në një deklaratë se kanë kërkuar mbajtjen sa më shpejt të një seance dëgjimore për arrestimin e tij dhe se sërish do të kërkojnë lirimin e tij. Ata thanë se zoti Smirnov u arrestua bazuar mbi një urdhër të lëshuar në Kaliforni për të njëjtat akuza.
Çështja u çel ndaj zotit Smirnov fillimisht në Kaliforni, ku ai banonte më parë. Dokumentacioni i paraqitur në gjykatë nuk është hapur për publikun dhe nuk dihen detaje të mëtejshme për riarrestimin e tij.
Një zëdhënës i prokurorit të posaçëm David Weiss, i cili po heton zotin Smirnov, konfirmoi se zoti Smirnov është arrestuar sërish, por nuk dha komente të mëtejshme. Ai mbahet nën arrest nga shërbimi i marshallëve në Nevada, tha Gary Schofield, kryemarshall në Las Vegas.
Prokurorët thonë se zoti Smirnov gënjeu zyrtarët e FBI-së se drejtuesit e kompanisë ukrainase të energjisë, Burisma, i paguan presidentit Biden dhe Hunter Biden-it nga 5 milionë dollarë secilit në vitin 2015. Ky pretendim u bë epiqendra e hetimeve të ligjvënësve republikanë me qëllim shkarkimin e presidentit Biden.
Zoti Smirnov nuk është vetëdeklaruar ende i pafajshëm, por avokatët e tij thanë se klienti i tyre prezumohet i pafajshëm dhe se do ta mbrojnë atë në gjyq./Voa/
Lajme të tjera
-
'Amerika vendos', Rudina Hajdari zbulon në Report Tv: Votova për Trump! Do i sillte ndryshim botës! Kadilli: Ka alarm në agjencitë e OKB
5 Nëntor, 22:07 -
Osmani: Kosova e bekuar me përkrahjen bipartizane amerikane
5 Nëntor, 16:48 -
SHBA/ Agjencitë federale thonë se Rusia dhe Irani po shtojnë përpjekjet për të ndikuar në zgjedhjet amerikane
5 Nëntor, 15:26 -
Koreja e Veriut kryen një provë me raketa balistike me rreze të shkurtër veprimi
5 Nëntor, 15:16 -
NBA/ Thunder dhe Cavs me pikë të plota, Lakers 'K.O' në Detroit! Fitojnë Golden State dhe Celtics
5 Nëntor, 13:07 -
CNN: Si po përgatiten aktivistët Trumpistë të minojnë rezultatin e zgjedhjeve, nëse fiton Kamala
5 Nëntor, 12:55 -
Frika e NATO-s nëse Trump kthehet në pushtet, përgatitje për një skenar ekstrem
5 Nëntor, 09:42 -
Biografia/ Donald J. Trump: Një rrugëtim i pazakontë drejt presidencës
5 Nëntor, 09:06 -
Biografia e Kamala Harris: Nga bijë emigrantësh, tek një emërim historik për presidente
5 Nëntor, 09:02 -
Guida/ Votimet, rezultatet dhe shpallja e fituesit, oraret dhe rregullat! Gjithçka që duhet të dini për zgjedhjet presidenciale
5 Nëntor, 08:40 -
'Amerika Vendos!' Report Tv e Shqiptarja.com transmetim maratonë sot në mbrëmje, nisim në 21:00
5 Nëntor, 08:33 -
LIVE- SHBA zgjedh sot Presidentin, Trump akuza për mashtrim në Paensilvani, Policia e mohon! Exit poll i CNN: 48% e votuesve preferojnë Harris, 44% Trump
5 Nëntor, 07:21
