Servet Pëllumbit dhe Sabit Brokaj:
Berisha po kërkon një ’97 të dytë 

Shtohen zërat që paralajmërojnë mundësinë e destabilizimit të vendit. Dy figura të rëndësishme të së majtës shqiptare, Servet Pëllumbi dhe Sabit Brokaj, referuar thirrjeve për rrëmbimin e armëve, kanë paralajmëruar synimet e Sali Berishës për të shkaktuar trazira në Shqipëri. Ish-kryetari i Kuvendit të Shqipërisë, Servet Pëllumbi, ka deklaruar se Sali Berisha kërkon një ‘97 të dytë, për të mbuluar të gjitha krimet ekonomike dhe njerëzore që ka konsumuar, gjatë karrierës së tij politike.

Pëllumbi ia ka bërë thirrje Prokurorisë Shqiptare që të thërrasë urgjent Sali Berishën, për konsumimin e veprës penale, të thirrjes për armatosje kundër rendit kushtetues. “Është një thirrje antikushtetuese. Është një vepër penale, sepse është thirrje për armatosje kundër rendit kushtetues. Prokuroria duhet ta thërrasë urgjent dhe ta marrë të pandehur. Kërkon të destabilizojë vendin.