POP 5

Lajmet më të lexuara të 5 minutave të fundit

Politikë

Servet Pëllumbi:Berisha,skenar
destabilizimi mbulim krimesh

Ish-kryetari i Kuvendit të Shqipërisë, Servet Pëllumbi ka reaguar ashpër pas thirrjes së ish-kryeministrit Sali Berisha, i cili nga salla e parlamentit, ftoi shqiptarët që të rrëmbenin armët kundër rendit kushtetues. Servet Pëllumbi deklaron për Shqiptarja.com se, Sali Berisha kërkon një ‘97 të dytë, për të mbuluar të gjitha krimet ekonomike dhe njerëzore që ka konsumuar, gjatë karrierës së tij politike. Sipas tij, destabilizimi i vendit është një çështje ekzistenciale për Sali Berishën.
Servet Pëllumbi:Berisha,skenar<br />destabilizimi mbulim krimesh
Ish-kryetari i Kuvendit të Shqipërisë, Servet Pëllumbi ka reaguar ashpër pas thirrjes së ish-kryeministrit Sali Berisha, i cili nga salla e parlamentit, ftoi shqiptarët që të rrëmbenin armët kundër rendit kushtetues. Servet Pëllumbi deklaron për Shqiptarja.com se, Sali Berisha kërkon një ‘97 të dytë, për të mbuluar të gjitha krimet ekonomike dhe njerëzore që ka konsumuar, gjatë karrierës së tij politike. Sipas tij, destabilizimi i vendit është një çështje ekzistenciale për Sali Berishën.

Pëllumbi i bën thirrje Prokurorisë Shqiptare që të thërrasë urgjent Sali Berishën, për konsumimin e veprës penale, të thirrjes për armatosje kundër rendit kushtetues. “Është një thirrje antikushtetuese. Është një vepër penale, sepse është thirrje për armatosje kundër rendit kushtetues. Prokuroria duhet ta thërrasë urgjent dhe ta marrë të pandehur. Kërkon të destabilizojë vendin. Kërkon një ’97 të dytë për të mbuluar krimet e tij. Çështja e destabilizimit të vendit është një çështje ekzistenciale për Sali Berishën, për të mbuluar krimet që ka bërë. Është përpjekje për t’i shpëtuar drejtësisë”, thotë Servet Pëllumbi. Ish-kryetari i Kuvendit të Shqipërisë e lexon thirrjen e Berishës si një paralajmërim, për luftë civile. Pëllumbi shprehet se, institucionet e shtetit duhet të vihen menjëherë në lëvizje, ndërsa prokuroria është në provë.  

Përjashtimi
Thirrja publike e Sali Berishës, për armatosjen e popullatës, kundër shtetit dhe rendit kushtetuese, është pasuar me reagime dhe polemika. Ish-ministri i Brendshëm, Petro Koçi, thotë se, njerëzit e Sali Berishës janë të etur për luftë civile. Koçi i bën thirrje PD të përjashtojë Berishën.“Shullazët e PD, me në krye Berishën, janë të etur për lufte civile e vëllavrasje. Nuk u ngopën me ’97-ën. PD duhet të përjashtojë nga radhët e veta këtë institucion antishqiptar të krimit politik, krimit shtetëror dhe krimit ordiner”, tha Koçi.

Skenari
Petor Koçi mendon se, thirrja e Berishës për kryengritje nuk është lajthitje, por kalkulim. “Thirrja e Sali Berishës nuk është lajthitje. Është një kalkulim që mund ta prodhojë vetëm teknologjia anti-qytetare, antishqiptare dhe antishtetërore e tij. Vënia para drejtësisë e klithmave për vëllavrasje të Sali Berishës do i jepte një goditje vendimtare botës së krimit në Shqipëri”, thotë Koçi. 


Redaksia Online
(A.N/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?

Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?

24 Dhjetor, 18:50