Nisin patrullimet e përbashkëta mes Policisë Shtetit dhe Policisë italiane në kuadër të sezonit turistik. Do të jenë 6 punonjës të Policisë italiane që do të patrullojnë krah Policisë shqiptare në Durrës, Vlorë dhe Sarandë, ku numri i turistëve italianë është më i lartë.
Agjentët e policisë italiane do të kryejnë patrullime në këmbë, të veshur me uniformë dhe do t’i vijnë në ndihmë operatorëve të policisë shqiptare për të lehtësuar kështu kontaktet e turistëve italianë me autoritetet shqiptare, si dhe me përfaqësitë diplomatike e konsullore në vend.
Gjatë ceremonisë të fillimit të patrullimit të përbashkët, Drejtori i Policisë së Shtetit, Ardi Veliu deklaroi se këto iniciativa do t’i vijnë në ndihmë pushuesve italianë që kanë zgjedhur të kalojnë pushimet në vendin tonë.
![](https://shqiptarja.com/template/img/NO_ALFA_Kuadrate shqiptarja.png)
Në kuadër të masave të për rritjen e sigurisë gjatë sezonit, Policia e Shtetit ka bërë marrëveshje edhe me Policinë e Kosovës, Malit të Zi, Kroacisë e Maqedonisë.
Komente
![](https://www.shqiptarja.com/template/img/sh_logo1.png)
Qysh me shiteni vend tend kshu qysh te vi tjetri te ndaloi Me uniform tjeter nje qutetar shqiptar
Përgjigju