POP 5

Lajmet më të lexuara të 5 minutave të fundit

Arkiva

Sfida e Ramës: Provoni një
akuzë dhe largohem vetë

Pasi dëgjoi në heshtje të gjithë akuzat e opozitës, kryeministri  Edi Rama i ka kërkuar kryetarit të Kuvendit Ilir Meta vetëm 30 sekonda kohë për të bërë propozimin që sipas tij duhet t’i jepte fund diskutimeve dhe zhurmës së madhe për çështjen e Divjakës. 
Sfida e Ramës: Provoni një<br />akuzë dhe largohem vetë
TIRANE- Pasi dëgjoi në heshtje të gjithë akuzat e opozitës, kryeministri  Edi Rama i ka kërkuar kryetarit të Kuvendit Ilir Meta vetëm 30 sekonda kohë për të bërë propozimin që sipas tij duhet t’i jepte fund diskutimeve dhe zhurmës së madhe për çështjen e Divjakës. Duke i ofruar hetimin në organet e drejtësisë, që sipas Ramës janë ende nën hijen dhe kontrollin e Berishës, kryeministri ka kërkuar të vërtetohet vetëm një akuzë që e implikon atë me trafikimin e lëndëve narkotike dhe do të zhdukej përgjithmonë nga jeta politike.

“Prokuroria është ende nën hijen e frikës nga ai, gjykatat nuk diskutohet. Prandaj them që unë i pari, Saliu i dyti, adjutanti tek SHQUPI i treti dhe gjithë gridëria e angazhuar në këtë shfaqje të shkojmë një e nga një përpara prokurorëve të çështjes. Nëse ju provoni qoftë edhe vetëm një nga gjithë akuzat tuaja gjatë gjithë këtyre ditëve, që më lidhin mua me trafikun e drogës, unë jo vetëm që do të japë dorëheqjen, por do zhdukem përgjithmonë nga çdo mikrofonin dhe do i nënshtrohem çdo hetimi. Por në rast të kundërt, nëse asgjë nga ky llum për lidhjet e mia me drogën nuk provohen, unë ju kërkoj të bini dakord që Saliu dhe Jozefina t’i bashkohen ekipit të Ministrisë së Shëndetësisë në punë vullnetare për të dezinfektuar Divjakën në procesin e mushkonjave”, deklaroi kryeministri. 

Replikat mes Ramës dhe Berishës janë bërë më të forta kur ky i fundit ka krahasuar fjalimet e kryeministrit me ato të diktatorit Enver Hoxha. “Për shkak të moshës nuk e kujtoj që Enver Hoxha të ketë bërë fjalim lamtumire në jetën e tij ndryshe ti do kishe vdekur nga infarkti”, i është drejtuar  Rama ish-kryeministrit Berisha. Duke kërkuar vazhdimisht përballjen në organet e drejtësisë me Berishën, kryeministri i ka kujtuar refuzimin e përhershëm që Berisha ka pasur për tu përballur me drejtësinë dhe me kundërshtarët e tij që nuk ka reshtur së përbalturi me akuza.

“Shko në spital, bëj testin e drogës, se u bëre keq”, i është drejtuar Berisha kreut të qeverisë, deklaratë që është mbështetur edhe nga ish-socialisti Kastriot Islami. “Shkoj unë e bëj testin, po pastaj do shkosh me Jozefinën në Divjakë për dezinfektim, s’po ju them merrni Kastriotin me vete se do e ngatërroni me mushkonja”, është përgjigjur Rama. 

Redaksia Online
(d.a/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51