Sfida:Ja faktet sesi ju mashtrojnë
partitë e vjetra në fushatë

Sfida ka filluar javën e denoncimeve për mashtrimet që sipas saj politikanët kanë bërë gjatë fushatave lokale dhe kombëtare.

Sipas Sfidës në fushatën e kaluar me datë 9 Qershor të majtët premtuan “Zero Ndërtime” në Tiranë.

"Vetëm 2 vjet dhanë OK për të betonizuar lulishten pranë Policisë Bashkiake, kulla 40-katëshe tek parku i lojrave “7 xhuxhat” tek rruga e Elbasanit apo tjetër kullë mbi 30 kate pas Hotel Tirana International në qendër të kryeqytetit”, shprehet Sfida.

Kandidati i Sfidës, Gjergj Bojaxhi tha se “politikanët “profesionistë” mashtrojnë vetëm sepse qytetarët nuk i kanë ndëshkuar as PS-PD-LSI që të paktën prej 12 vjetësh përveçse fusin militantë të paaftë të na drejtojnë nuk mbajnë asnjë përgjegjësi si e katandisin dhe degradojne vendin”.

Ai shtoi më tej: “Shikoni lulishten pranë Policisë Bashkiake, kjo pas zgjedhjeve s’do jetë më se do betonizohet me kulla, tulla e llaç. Me 9 qershor 2015 socialistët premtuan publikisht se sdo lejonin asnjë ndërtim gjatë ketij mandati në Tiranë. E keni me zë e me figurë. A nuk eshte ky një ndër mijëra mashtrimet elektorale? Ne çdo ditë do ju paraqesim premtimet e pambajtura PS-PD-LSI. Këta, me dëshirën e tyre të plotë i kanë vërtetuar shqiptarëve që janë një produkt i skaduar dhe duhen zëvendësuar. Ndaj dhe duhet votuar Sfida si i vetmi grupim qytetar opozitar që as ka qënë ndonjëherë në Parlament dhe refuzon çdo lloj marrËveshjeje para e pas zgjedhjeve me këto shkaktare të plaçiktjes së Shqiperisë sonë.”

Përfaqësuesi i Sfidës, Gjergj Bojaxhi tha se tani ka shpresë se kjo do marrë fund, se qytetarët do shkundin fort votën e protestës dhe ndëshkimit . Ai theksoi se qytetarët tashmë po e kuptojnë se edhe një voteë e vetme bën diferencën mes përfaqësimit në Parlament nga një qytetar që kërkon llogari dhe një ushtari që i bindet qorrazi jo shqiptarëve por kryetarëve.

Redaksia Online
Al.N/Shqiptarja.com