POP 5

Lajmet më të lexuara të 5 minutave të fundit

Bota

SHBA/ 2 vjet nga trazirat në Capitol, e dashura e një polici që humbi jetën padit ish-presidentin Trump

Ish-presidentit Trump i është shtuar një padi tjetër për trazirat në Uashington, më 6 janar. Në dy vjetorin tyre, e dashura e një polici që humbi jetën, akuzon ish-shefin e Shtëpisë së Bardhë se ka dorë në ato ngjarje të rënda.

Këtë të premte bëhen dy vjet nga trazirat e 6 janarit 2021 në Capitol, në SHBA.  Trazirat tërhoqën vëmendjen e gjithë botës, ndërsa pati viktima dhe një komision hetimor nga Kongresi amerikan për këtë rast të rëndë, i cilësuar dita më e zezë e demokracisë amerikane nga shumë studiues dhe politikanë.

Të bindur se votat e republikanëve ishin vjedhur, shumë mbështetës të ish-presidentit Trump shkuan drejt Kongresit për të parandaluar zgjedhjen e presidentit të ri demokrat Joe Biden.

Këtë javë, ndaj ish-presidentit Trump u ngrit një padi civile për rolin e dyshuar të tij në trazira. E dashura e policit që humbi jetën, Brian Sicknick, paditi dy protestues të përfshirë në sulm dhe ish-presidentin Donald Trump.

Padia civile, e paraqitur të enjten në gjykatën federale të Uashingtonit, shton problemet e kandidatit për president për 2024-ën. Mbi ish-presidentin tashmë rëndojnë shumë padi.

Sipas autoriteteve amerikane, sa i përket ngjarjes në Uashington, katër oficerë që iu përgjigjën sulmit vranë veten brenda shtatë muajve; njëri nga protestuesit u qëllua për vdekje nga policia, një tjetër vdiq nga mbidoza e drogës prej stresit dhe tre vdiqën nga zemra. Shumë njerëz u plagosën, duke përfshirë 138 oficerë policie.

Sipas analistëve amerikanë, gjasat që Trumpi të shpallet fajtor janë të pakëta, por kjo do të ndikojë në fushatën e tij për presidencialet amerikane. Krahas kësaj akuze dhe të tjerave për mospagesë taksash, Komisioni Hetimor i Kongresit ka thënë se Trumpi ka cytur turmën për dhunë me fjalimet e tij, por për ish-presidentin ai është Komision nga demokratët dhe s’duhen marrë për të vërteta përfundimet.

Përgatiti për Shqiptarja.com, Sebastian Zonja

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Në 3 muaj 1.5 mln turistë të huaj vizituan Shqipërinë, 47% më shumë se vjet! Vijon zhvlerësimi i euros

Në 3 muaj 1.5 mln turistë të huaj vizituan Shqipërinë, 47% më shumë se vjet! Vijon zhvlerësimi i euros

25 Prill, 14:15 nga Eliza Gjediku