Presidenti amerikan Donald Trump ka nënshkruar një projektligj emergjent që parashikon më shumë se 8 miliard dollarë fonde për t’u përballur me krizën në rritje të koronavirusit.
Pesë shtete amerikane, Merilendi, Kalifornia, Florida, Uashingtoni dhe Havai kanë shpallur gjendjen e emergjencës për shkak të virusit. Gjithsej në SHBA janë konfirmuar 230 raste infektimi dhe numri i të vdekurve ka arritur në 14.
Presidenti Trump kishte planifikuar ta nënshkruante projekt-ligjin gjatë një vizite në Qendrat për Kontrollin dhe Parandalimin e Sëmundjeve në Atlanta të shtetit Georgia. Por ai u tha gazetarëve se ekzistonin shqetësime për "një person që mund të ishte infektuar", dhe që punonte në këto qendra.
Presidenti Trump tha se personi në fakt ishte testuar negativ për koronavirusin dhe se ai ende shpresonte ta vizitonte agjencinë në një të ardhme.
“Ne kemi një numër shumë të ulët krahasuar me vendet e mëdha në të gjithë botën. Shifrat tona janë më të ulëta se kudo tjetër,” tha Presidenti Trump. “Ishte një problem i paparashikuar, erdhi papritur. Ne jemi duke u marrë me të,'' tha ai.
Fondet prej 8.3 miliardë dollarësh u miratuan thuajse njëzëri nga të dyja dhomat e Kongresit, me synimin për të qetësuar publikun dhe për të përshpejtuar reagimin e qeverisë ndaj virusit.
Legjislacioni që nënshkroi Presidenti Trump u siguron agjencive federale të shëndetit publik fonde për vaksinat, testet dhe trajtimet e mundshme si dhe ndihmon qeveritë e shteteve dhe ato lokale të përgatiten për t’iu përgjigjur kërcënimit të koronavirusit, që ka tronditur tregjet financiare, po krijon çrregullime në udhëtimet e njerëzve dhe ka kërcënuar ekonominë amerikane, e cila ka qenë në rritje të shpejtë prej një dekade.
Një ndër qeveritë lokale që po përballet me koronavirusin është ajo në Montgomery të shtetit Merilend, jo shumë larg nga Shtëpia e Bardhë. Dje, Montgomery konfirmoi rastet e tij të para.
Zyrtarët e Kalifornisë shpallën gjendjen e emergjencës pas vdekjes së një personi nga koronavirusi.
Personi që vdiq ka të ngjarë të jetë ekspozuar gjatë një lundrimi me anijen Grand Princess, e cila udhëtonte nga Meksika për në San Francisko. Anija do të qëndrojë përballë brigjeve të San Franciskos.
"Anija nuk do të dalë në det, derisa të vlerësojmë siç duhet pasagjerët," thotë Gavin Neësom, Guvernator i Kalifornisë.
Ndërkaq, Sekretari amerikan i Shëndetësisë Alex Azar tha të enjten se një milion komplete testestimi për koronavirusin pritet të arrijnë këtë fundjavë në laboratorët e vendit.
Administrata e Presidentit Trump është bërë objekt kritikash për mungesat e kompleteve të testimit./VOA
Lajme të tjera
-
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
