Një zyrtare amerikane tha se anëtarët e NATO-s “qëndrojnë të bashkuar” para bisedimeve me Rusinë mbi të ardhmen e sigurisë evropiane, teksa shqetësimet janë rritur mbi një pushtim të mundshëm rus të Ukrainës.
Të 30 anëtarët e Aleancës ushtarake perëndimore do të takohen me zyrtarët rusë më 12 janar në Bruksel, për të biseduar për kërkesat e Moskës lidhur me garancitë e sigurisë, por edhe për grumbullimin e trupave ruse pranë kufirit me Ukrainën.
Rusia po kërkon që NATO të ndalë zgjerimin nga lindja dhe të tërheqë prapa përparimet e bëra që prej viteve 1990 në Evropën Qendrore dhe Lindore.
“Është bërë krejtësisht e qartë që asnjë aleat brenda aleancës së NATO-s gjatë bisedimeve nuk do të heqë dorë nga çdo gjë që lidhet me politikën e NATO” për pranimin e anëtarëve të rinj, tha më 11 janar ambasadorja amerikane në NATO, Julianne Smith.
“NATO është e hapur dhe e përkushtuar për një dialog të mirëfilltë reciprok me Rusinë”, tha ajo.
“Në të njëjtën kohë, ne qëndrojmë të bashkuar për të penguar kërcënimet kundër aleatëve të NATO-s dhe agresionit rus kundër partnerëve tanë në Evropë”, shtoi Smith.
Rusia ka grumbulluar pothuajse 100,000 trupa pranë kufirit me Ukrainën dhe në Gadishullin e okupuar ukrainas të Krimesë. Këto lëvizje, sipas Shteteve të Bashkuara, mund të jenë përgatitje për pushtimin e Ukrainës.
Zyrtarët dhe analistët perëndimorë thonë se grumbullimi i trupave ruse mund të jetë një përpjekje për t’i bërë presion SHBA-së dhe aleatëve evropianë që të bëjnë koncesione.
Smith ripërsëriti thirrjen e SHBA-së për Rusinë që të shtensionojë situatën duke tërhequr trupat dhe duke u angazhuar në diplomaci.
NATO më 2008 ishte zotuar se do ta pranonte Ukrainën dhe Gjeorgjinë – dy shtete ish-sovjetike që janë në kufi me Rusinë – në Aleancë në të ardhmen.
Rusia e ka cilësuar “vijë të kuqe” anëtarësimin e Ukrainës në NATO. Shumë analistë vlerësojnë se anëtarësimi i Kievit në NATO mund të ndodhë pas një dekade./REL
Lajme të tjera
-
Biden dhe Trump qëndrime të forta lidhur me tarifat mbi mallrat kineze
18 Maj, 17:47 -
Presidenti rus i Dumës: BE shkel lirinë e shtypit dhe të shprehjes
18 Maj, 15:10 -
Vjosa Osmani takon Hillary Clinton, e falënderon për ndihmën e dhënë ndaj Kosovës
18 Maj, 12:27 -
Personi që sulmoi bashkëshortin e Nancy Pelosit dënohet me 30 vjet burg
18 Maj, 11:57 -
Ministri Hasani në Estoni, takohet me kryeministren Kaja Kallas: Diskutime për forcimin e marrëdhënieve dypalëshe
18 Maj, 11:50 -
Raporti i ISW: Ndalimi i përdorimit të armëve perëndimore nga SHBA në Rusi, po dëmton mbrojtjen e Kievit
18 Maj, 11:14 -
Lufta në Ukrainë/ 10 mijë njerëz evakuohen nga rajoni i Kharkiv! Polonia jep 2 miliardë euro për të fortifikuar kufirin
18 Maj, 10:52 -
'Lufta e Yjeve' Arma sekrete e Putinit, që po tremb Amerikën, Kosmos-2553 mund të shkatërrojë satelitët amerikanë
16 Maj, 17:04 -
Lavrov: Plani i paqes i Kinës është më realisti
16 Maj, 14:14 -
Zelensky në Kharkiv: Situatë e vështirë, por nën kontroll
16 Maj, 12:36 -
Vladimir Putin mbërrin në Pekin, takohet me Xi Jinping: Kina dhe Rusia do të ruajnë drejtësinë në botë
16 Maj, 08:39 -
Biden-Trump, debate më 27 qershor dhe 10 shtator
16 Maj, 08:09
