POP 5

Lajmet më të lexuara të 5 minutave të fundit

Bota

SHBA/ Anëtari i marinës qëllohet për vdekje në një bazë ushtarake, pasi kishte plagosur 2 persona

Dy persona u plagosën rëndë të martën në një zonë industriale në shtetin e Merilendit dhe më pas i dyshuari i armatosur, i identifikuar si një pjesëtar i Marinës amerikane, shkoi në një bazë ushtarake aty pranë ku u qëllua për vdekje, tha policia

SHBA/ Anëtari i marinës qëllohet për vdekje në një bazë ushtarake, pasi kishte plagosur 2 persona

Foto ilustruese

Dy persona u plagosën rëndë të martën në një zonë industriale në shtetin e Merilendit dhe më pas i dyshuari i armatosur, i identifikuar si një pjesëtar i Marinës amerikane, shkoi në një bazë ushtarake aty pranë ku u qëllua për vdekje, tha policia.

Autoritetet në Frederik të Marilendit, rreth 72 km në veriperëndim të Uashingtonit, po përpiqen të zbulojnë motivet e ngjarjes. “Siç mund ta imagjinoni, kjo është një skenë shumë aktive,” u tha gazetarëve Shefi i Policisë së Frederikut, Jason Lando të martën në mëngjes.

“E vetmja gjë që mund t’ju them është se kemi konfirmuar që ishte vetëm një autor. Publiku është i sigurt”, tha ai. Pas marrjes së telefonatës, policia gjeti dy të plagosurit, të dy burra, në një kompleks biznesesh tregëtare dykatëshe, tha Lando. Të dy ata u dërguan në Qendrën e Traumës në Spitalin Universitar të Merilendit, në Baltimore, tha shefi i policisë Lando, duke shtuar se “në këtë kohë, lajmi i fundit që kemi është se të dy viktimat janë në gjendje kritike”.

I dyshuari më pas shkoi në bazën e Ushtrisë Fort Detrick aty pranë, rreth katër milje (6 km) larg, ku u qëllua për vdekje nga personeli ushtarak, tha zoti Lando. Marina tha në Twitter se autori i paidentifikuar ende ishte një anëtar i trupës së spitalit të Marinës./VOA

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze