SHBA, autori i sulmit ndaj shkollës
në Kaliforni ka kryer 5 vrasje tjera

Kaliforni- Autori i sulmit me armë në një shkollë, ku shkaktoi 3 viktima dhe më pas ai u vra nga autoritetet duket se nuk ka qenë vetëm kjo ngjarja me të cilën ai është përfshirë.

Nga kërkimet e bëra në shtëpinë e tij, FBI-ja zbuloi se autori sulmit kishte vrarë gruan e tij dhe e kishte fshehur trupin e saj poshtë dyshemesë.

Po ashtu autoritet zbuluan se 43-vjeçari kishte vrarë edhe dy fqinjët e tij me të cilët kishte pasur konflikt më parë. Sipas të dhënave duket se autori i ka kryer vrasjet para se të bëntë sulmin ndaj shkollës.

Gjithashtu autori kishte qëlluar për vdekje edhe dy kalimtarë të rastësishëm duke e çuar numrin e viktimave në 5 vetëm përreth shtëpisë së tij, duke shtuar edhe sulmin në shkollën në Tehama County shkon në 8 numri I të vrarëve nga 43-vjeçari, Kevin Janson Neal.


Sherbimet Federale nuk kanë arritur të dalin në një përfudim të saktë për shkaqet që kanë bërë autorin të bëjë këto vrasje, ndërsa një nga oficerët tha se: "Unë mendoj se ai kishte një dëshirë për të vrarë sa më shumë njerëz sa të mundte."

Redaksia Online
a.dr/shqiptarja.com