Ushtria e Koresë së Jugut dhe ajo e Shteteve të Bashkuara të Amerikës do të fillojnë stërvitjet masive dhe manovrat ushtarake pranë kufirit me Korenë e Veriut të enjten, pavarësisht paralajmërimit të shtetit të izoluar komunist se nuk do të lejojë diçka të tillë, pasi e percepton si një ushtrim armiqësor në pragun e kufirit të saj.
Stërvitjet e planifikuara për të enjten, të cilat janë të parat nga pesë rundet e planifikuara nga aleatët deri në mes të qershorit, përkujtojnë 70-vjetorin e aleancës ushtarake midis Seulit dhe Uashingtonit.
Koreja e Veriut është përgjigjur tradicionalisht ndaj stërvitjeve të rëndësishme mes dy shteteve aleate, duke kryer teste që përfshijnë raketa dhe armë të tjera.
Që nga fillimi i vitit 2022, Koreja e Veriut ka kryer mbi 100 testime raketore. Shteti ka pohuar se testimi i saj intensiv ishte në përgjigje të rritjes së stërvitjeve ushtarake të kryera nga SHBA dhe Koreja e Jugut.
Megjithatë, ekspertët besojnë se objektivi i Koresë së Veriut është të rrisë aftësitë e saj të armëve dhe të fitojë kushte më të favorshme nga rivalët e saj në negociatat e mundshme të ardhshme diplomatike.
Manovrat ushtarake mes SHBA-së dhe Koresë së Jugore, të quajtura "stërvitjet e kombinuara të fuqisë së zjarrit të asgjësimit", janë mbajtur 11 herë që nga fillimi i tyre në vitin 1977, sipas shifrave të publikuara nga Ministria e Mbrojtjes së Koresë së Jugut.
Zyrtarët e ministrisë thanë se stërvitjet e këtij viti do të përfshijnë avionë luftarakë të avancuar, helikopterë sulmues, tanke dhe sisteme të shumta lëshimi raketash. Nuk dihej menjëherë se sa trupa do të marrin pjesë, por stërvitjet e mëparshme që u mbajtën në vitin 2017 tërhoqën rreth 2,000 ushtarë dhe 250 mjete armësh nga të dy vendet.
Përmes një njoftimi të mëparshëm, Ministria e Mbrojtjes tha se stërvitjet kanë për qëllim të përmirësojnë aftësitë e kombinuara të performancës operacionale të aleatëve.
Në një samit muajin e kaluar, presidenti i SHBA-së Joe Biden dhe presidenti i Koresë së Jugut, Yoon Suk Yeol njoftuan hapa për të përforcuar aftësitë e tyre parandaluese, siç janë ankorimi periodik i nëndetëseve amerikane të armatosura me armë bërthamore në Korenë e Jugut; forcimi i ushtrimeve të përbashkëta stërvitore; dhe ngritja e një grupi të ri për këshillim bërthamor.
Biden ka paralajmëruar në mënyrë të prerë se çdo sulm bërthamor i Koresë së Veriut ndaj SHBA-së ose aleatëve të saj do të "rezultojë në fundin e çfarëdo regjimi" të ndërmarrë një veprim të tillë.REL
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
