SHBA, dosja 'Ucraina Gate' gati të shpërthejë! Trump: Nuk ka patur asnjë presion ndaj Zelensky (VIDEO)

Donald Trump i kërkoi Presidentit të Ukrainës Volodymyr Zelensky të rihapte hetimin e korrupsionit ndaj Joe Biden dhe djalit të tij, Hunter.

Presidenti Trump i ka kërkuar disa here homologut ukrainas të punojë me Rudy Giuliani dhe prokurorin e Pergjithshëm William Barr për të hetuar djalin e rivalit politik.

Konfirmimi vjen nga transkriptimi i telefonatës së 25 korrikut midis Presidentit të Shteteve të Bashkuara dhe liderit ukrainas, të bëra publike nga vet Shtëpia e Bardhë.

"Ma bëj këtë favor. Çfarëdo që të bësh është shumë e rëndësishme, nëse është e mundur." Me këto fjalë Donald Trump i ishte drejtuar Zelensky-t.

Biseda mes dy presidentëve ka mbushur pesë faqe të dosjes ‘Ukraina Gate’.

Përgjigja e Zelensky-t ndaj Presidentit amerikan ishte e përshtatshme: Unë mund t'ju siguroj - tha ai - që të gjitha hetimet do të zhvillohen në mënyrë të hapur dhe të qartë.

Në përpjekje për ta bindur që të bashkëpunojë, Trump i thotë Zelensky-t se Shtetet e Bashkuara kanë bërë aq shumë për Ukrainën ndërsa vendet europiane nuk kanë bërë asgjë. “Gjermania nuk bën thuajse asgjë për ju. Vetëm flasin. Kur u takova me Angela Merkel ajo foli shumë për Ukrainën, por nuk bën asgjë. Shumë vende të tjera europiane janë njëlloj”, thotë Trump. “Keni 1000% të drejtë”, i përgjigjet Zelensky.

Duke i premtuar hetime të plota për aludimet se prokurori i çështjes ku ishte i përfshirë djali i ish-Zv.Presidentit Biden kishte pasur presione për ta mbyllur atë, Zelensky i thotë Trump: “Duke qenë se ne kemi fituar shumicën absolute në Parlament, Prokurori i Përgjithshëm i ardhshëm do të jetë 100% njeriu im, kandidati im. Ai ose ajo do ta hetojë çështjen”.

Zelensky shfaqet në telefonatë si shumë i zellshëm për t’i bërë përshtypje Presidentit amerikan, duke i thënë se kur ka vizituar Nju Jorkun ka fjetur në Kullën Trump, ndërsa në fund e fton Turmp për një vizitë në Ukrainë. “Besoj se në 1 shtator do të jeni në Poloni. Nga aty mund të jetë një ide shumë e mirë për të udhëtuar drejt Ukrainës. Mund të marrim avionin tim, ose mund të marrim avionin tuaj, që me siguri është më i mirë se i imi”, thotë Zelensky.

"Nuk ka patur asnjë presion ndaj Zelensky-t – ka mbrojtur veten e tij Trump – ishin demokratët ata që u takuan me Presidentin e Ukrainës për t'i kërkuar atij të mos përkrahte ne republikanët, nuk duhej ta bënin.

Presidenti i Komisionit të Inteligjencës në Dhomën e Përfaqësuesve Adam Schiff tha se kishte mbetur i shokuar nga transkriptimi i telefonatës

"Ajo që ka ndodhur, është një veprim mafioz klasik për të testuar një udhëheqës të huaj. Presioni për të hetuar u bë pasi Trump kishte urdhëruar qeverinë amerikane të ngrinte rreth 391 milionë dollarë ndihmë amerikane për Ukrainën. 

Përmbledhja e telefonatës së zbardhur vjen një ditë pasi Kryetarja demokrate e Dhomës së Përfaqësuesve, Nancy Pelosi, njoftoi fillimin zyrtar të hetimeve nëse Presidenti Trump pati kërkuar ndihmën e një qeverie të huaj për të njollosur një kundërshtar politik dhe për ta ndihmuar në rizgjedhjen e tij vitin e ardhshëm.

/G.M./Shqiptarja.com
  • Sondazhi i ditës:

    Si ka ndryshuar cilësia e arsimit gjatë pandemisë?

Komento


×

Lajmi i fundit

John

Kryetari i PD-së, Lulzim Basha mbledh sot grupin parlamentar