Kurt Volker, i dërguari special i SHBA në Ukrainë, ka dhënë dorëheqjen, një ditë pas shpërndarjes së tekstit të denoncimit të një agjenti të inteligjencës, mbi thirrjen telefonike midis presidentit amerikan dhe homologut të tij ukrainas, Volodymyr Zelenskyj, gjatë së cilës Trump I kërkonte Zelenskyj të hetonte ish zv/ presidentin Joe Biden dhe djalin e tij Hunter.
Departamenti Amerikan i Shtetit konfirmoi dje dorëheqjen e Kurt Volker, i cili kishte kontaktuar Rudy Giulianin, avokatin personal të Trump, që gjithashtu është në qendër të Dosjes Ukraina, me një bashkëpunëtor të lartë të presidentit Zelensky, "me kërkesë të këshilltarit presidencial Andriy Yermak". Departamenti saktësoi dje se Rudi Giuliani “edhe pse është avokat i Trump, ai është dhe qytetar i lire” dhe se "nuk flet në emër të qeverisë amerikane".
Në një intervistë për CNN, Rudi Giuliani, duke shpjeguar versionin e tij, tha se më 19 korrik Kurt Volker kontaktoi me të për faktin se ai duhet të takonte Yermak, një nga këshilltarët kryesorë të Zelensky. Sipas avokatit të Trump, ka patur të paktën dy telefonata mes tij dhe këshilltarit dhe më vonë të dy janë takuar në Madrid.
Presidentët e tre komiteteve të Kongresit amerikan kanë lëshuar një urdhër për Sekretarin e Shtetit Mike Pompeo për t’i siguruar Kongresit, deri në 4 tetor, dokumente që lidhen me ndërveprimin e Trump me Zelensky-n, përfshirë edhe ambasadorin Kurt Volker, si pjesë e hetimit të impeachment.
Giuliani nga ana e tij ka deklaruar se ai nuk do të dëshmojë në Kongres pa u konsultuar me manjatin dhe argumentoi që puna e tij duhet të mbrohet nga privilegji që mbron marrëdhëniet midis avokatit dhe klientit.
Ndërkohë Giuliani vendosi të heq dorë nga pjesëmarrja e tij si ligjërues me pagesë në një eveniment në Armeni të sponsorizuar nga Kremlin. Ai e bëri të ditur këtë si për New York Times ashtu dhe për CNN pas përhapjes së lajmit nga Washington Post, për praninë e tij në konferencë, ku gjithashtu do të jetë edhe Presidenti rus Vladimir Putin.
Nga ana e tij Presidenti Trump është takuar me Wayne LaPierre, kreun e lobit më të fuqishëm, atë të Shoqatës Kombëtare të armëve, për të diskutuar mundësinë e përfitimit të fondeve të duhura për përgatitjen e mbrojtjes së tij kundër impeachment.
Por CNN ka ngritur akuza të tjera në lidhje me fajësimin e presidentit Trump.
Sipas saj, Shtëpia e Bardhë ka "fshehur" të dhëna të rëndësishme në lidhje me bisedat telefonike të presidentit amerikan me presidentin rus Putin dhe princin e kurorës së Arabisë Saudite, Mohamed bin Salman, menjëherë pas vrasjes së gazetarit disident saudit Jamal Khashoggi, vrasje që inteligjenca amerikane ia atribuoi Riad-it.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
