POP 5

Lajmet më të lexuara të 5 minutave të fundit

Bota

SHBA 'e shqetësuar' nga sulmi i Hezbollahut në Tel Aviv

SHBA 'e shqetësuar' nga sulmi i Hezbollahut në Tel Aviv

Zëdhënësi për siguri kombëtare i Shtëpisë së Bardhë, John Kirby

Shtetet e Bashkuara janë thellësisht të shqetësuara nga raportimet se Hezbollahu – grupi libanez i shpallur organizatë terroriste nga Uashingtoni – ka gjuajtur një raketë që kishte për shënjestër shërbimin e inteligjencës të Izraelit.

Zëdhënësi për siguri kombëtare i Shtëpisë së Bardhë, John Kirby, tha se SHBA-ja ende beson se një zgjidhje diplomatike mund të ulë tensionet në kufirin Liban-Izrael.

“Shumë shqetësuese”, tha Kirby në një intervistë për CNN. “Provë tjetër... se Izraeli po përballet me kërcënim legjitim nga një grup terrorist që mbështetet nga Irani”.

Kirby tha se SHBA-ja do të vazhdojë të mbështesë të drejtën e Izraelit për të mbrojtur veten.

“Asnjë komb nuk duhet të jetojë nën kërcënime të tilla që vijnë përtej kufirit, nga fqinjët”, tha ai.

Mëngjesin e 25 shtatorit, Hezbollahu gjuajti një raketë balistike drejt Tel Avivit, duke përshkallëzuar edhe më tej situatën. Një ditë më herët, ushtria izraelite bombardoi Libanin, teksa ditëve të fundit si pasojë e sulmeve izraelite janë vrarë qindra persona në Liban.

Ushtria izraelite tha se e rrëzoi një raketë balistike tokë-tokë dhe aktivizoi sirenat për sulme ajrore në Tel Aviv, duke mos raportuar për viktima apo dëme.

Hezbollahu tha se e gjuajti raketën balistike të llojit, Qader 1, drejt selisë qendrore të agjencisë izraelite të inteligjencës, Mossad.

Hezbollahu dhe Izraeli kanë këmbyer zjarr përditë që kur ka nisur lufta në Gazë në tetor mes Izraelit dhe Hamasit, grupit palestinez të shpallur organizatë terroriste nga SHBA-ja dhe Bashkimi Evropian./REL

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 25/09/2024 16:20

    Dmth per cifutet qe po bejne bastisje ne te gjithe lindjen e mesme nuk jane te shqetesuar keta kurse per ata qe vetembrohen i quajne terrorista , kjo pafytyresi e amerikes duhet te mbaroje sepse jane vendi me gjakatar ne bote qe mbeshtet nje tjeter vend qe po kryen krime lufte dhe genocid , shpresoj qe tju kthehet me te njejten menyre miresia apo ligesia juaj

    Përgjigju
  • Pet.: 25/09/2024 15:15

    Po e humbasim respektin per Ameriken, e cila shqetesohet ne maksimum per nje rakete ne Tel Aviv (madje pa deme) dhe nuk ja ndjen fare per 500 vete te vrare ne Liban.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni arsyen e takimit

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni arsyen e takimit

24 Janar, 21:12