SHBA edhe sulme tokësore
kundër ISIS në Siri dhe Irak

SHBA po shqyrtojnë mundësinë për të dërguar trupa tokësore në Siri dhe Irak për të luftuar kundër shtetit islamik.  Sekretari amerikan i Mbrojtjes Ashton Carter  ka thënë se do të ketë edhe më shumë sulme ajrore kundër objektivave të ISIS. Sipas analistëve komentet e Carter tregojnë gjendjen reale, që koalicioni i udhëhequr nga SHBA nuk po ecën përpara në luftën kundër terroristëve.  Komentet e sekretarit amerikan të mbrojtjes , të bëra në Komisionin e Senatit për Shërbimet e Armatosura, vijnë një javë pasi forcat e SHBA dhe ato të irakut kanë shpëtuar dhjetëra pengjeve të ISIS.

“Nuk do të hezitojmë në mbështetjen e partnerëve tanë në sulmet ndaj ISIS-it, qofshin ato ajrore apo tokësore. Do të intensifikojmë sulmet ajrore ndaj objektivave të rëndësishëm”, tha Carter.

Gjithashtu Uashingtoni njoftoi se Irani është duke u ftuar për herë të parë në bisedimet ndërkombëtare mbi luftën Sirisë.
Një koalicion i udhëhequr nga Shtetet e Bashkuara filloi sulmet ajrore kundër shtetit islamik në Irak dhe Siri vitin e kaluar. Presidenti amerikan Barack Obama tha se qëllimi ishte të shkatërronte plotësisht atë.

Nga anaa tjetër Rusia filloi sulmet e veta ajrore në Siri në fund të muajit të kaluar, duke thënë se dëshiron të ndihmojë presidentin  Bashar al-Assad në luftën kundër ekstremistëve. Por Uashingtoni e ka kritikuar ashpër fushatën ruse, duke argumentuar se ajo ka qenë e fokusuar në sulmin ndaj rebeleve të qeverisë. Më shumë se 250.000 sirianë janë vrarë dhe një milion të plagosur që nga fillimi i  konfliktit. Rreth 11 milionë të tjerë janë detyruar të largohen nga shtëpitë e tyre, katër milionë janë larguar jashtë vendit .
 
Redaksia online
(S.m/shqiptarja.com)