SHBA, fitore për Donald Trump
shfuqizohet pr/ligji “Obamacare” 

Një fitore për Donald Trump dhe një nga premtimet aq shumë të trumbetuara gjatë fushatës presidenciale.

Trump: Obamacare katastrofë, tashmë vdiq

‘Reforma shëndetësore Obamacare ishte një katastrofë, por tashmë ka vdekur’ kështu u shpreh Presidenti Trump pasi  mbrëmjen e djeshme Dhoma e Përfaqësuesve në Kongresin amerikan miratoi me një rezultat të ngushtë, 217 vota pro dhe 213 kundër për projekt-ligjin republikan për të shfuqizuar disa klauzola dhe për të zëvendësuar disa të tjera nga ligji Obamacare për kujdesin universal shëndetësor të miratuar gjatë administratës Obama. 
 
 Asnjë demokrat nuk votoi në këtë seancë të rëndësishme. Kjo reformë do të zëvendësohet  me një plan republikan mbi kujdesin shëndetësor.
 
Gjithashtu kalimi në dhomat e përfaqësuesve të SHBA, siguron fitoren e parë legjislative në tre muajt e parë të mandatit të tij.
 
Reforma “Obamacare” e cili hyri në fuqi në vitin 2010 ndihmoi 20 milionë amerikanë të pasiguruar që të merrnin sigurime shëndetësore, por rritja e pagesës së tyre zemëroi shumë njerëz.
 
Ajo është kritikuar shumë nga republikanët të cilët ia dolën ta hidhnin poshtë atë.
 
Nuk dihet se sa do të kushtojë ligji i rishikuar, dhe as sa njerëz nuk do të marrin më sigurime shoqërore me saktësi, por sipas parashikimeve të OKB, vetëm në vitin 2018 do të humbasin 14 milionë amerikanë. 

Redaksia Online
(B.K/e.m/Shqiptarja.com)