SHBA/ Gjenden 50 emigrantë të pajetë në një kamion në Teksas (VIDEO)

50 emigrantë janë gjetur të vdekur në një kamion të braktisur në periferi të San Antonio, Teksas. Një zjarrfikës ka bërë me dije se 16 persona të tjerë janë gjetur të gjallë, të cilët i kanë çuar në spital për ndihmë mjekësore, mes tyre 4 fëmijë. Ai tha se të mbijetuarit ishin të lodhur nga nxehtësia.

San Antonio është 250 km (150 milje) nga kufiri SHBA-Meksikan, është një rrugë kryesore tranziti për trafikun e njerëzve. Shpesh, emigrantët transportohen pa dokumente nga zona të largëta në drejtim të SHBA.

"Ata kishin familje...dhe po përpiqeshin të gjenin një jetë më të mirë," tha kryebashkiaku i San Antonio, Ron Nirenberg. "Një tragjedi e tmerrshme njerëzore. Ne nuk duhet të hapim një kamion dhe të shohim tufa trupash atje. Asnjëri prej nesh nuk vjen në punë duke e imagjinuar këtë," tha ai.

Ai shtoi se automjeti, i cili ishte braktisur nga drejtuesi i tij, nuk kishte ajër të kondicionuar dhe nuk kishte ujë të pijshëm brenda. Mundësitë janë të mëdha, që emigrantët ët kenë ndërruar jetë nga nxehtësia e lartë dhe dehidratimi. Ministri i Jashtëm i Meksikës, Marcelo Ebrard, tha se dy guatemalanë ishin në mesin e atyre që u dërguan në spital. Kombësia e viktimave të tjera ende nuk dihet

Tre persona po mbahen në paraburgim për këtë ngjarje ndërsa autoritetet kanë nisur hetimet.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik