POP 5

Lajmet më të lexuara të 5 minutave të fundit

Bota

SHBA: ‘Wagner’ i lidhur me Korenë e Veriut! Dalin pamjet e mercenarëve serbë që stërviten krah ushtarëve të grupit mercenar rus

Grupi më i madh ushtarak privat rus, Wagner, janë shpallur organizatë kriminale nga amerikanët. Debati për ta ka mbërritur edhe në Ballkan, ndërsa po rekrutojnë ushtarë në Serbi për luftimet në Ukrainë.

Shtetet e Bashkuara të Amerikës shpallën grupin rus Wagner "organizatë kriminale ndërkombëtare". John Kirby, zëdhënësi për Sigurinë Kombëtare pranë Shtëpisë së Bardhë, tha se Wagnerat e kontrolluar nga Yevgeny Prigozhin, biznesmen i afërt me presidentin Vladimir Putin, kanë rreth 50,000 ushtarë në Ukrainë.

Thesari amerikan, me përcaktimin e Wagnerit si organizatë kriminale ndërkombëtare, e ka vënë atë në të njëjtin pozicion me grupet mafioze italiane, krimin e organizuar japonez dhe atë rus.

Sipas amerikanëve, rreth 80% e tyre janë persona të nxjerrë nga burgjet ruse për të luftuar në Ukrainë.

Kirby bëri publike gjithashtu edhe fotografi të deklasifikuara të inteligjencës amerikane që tregonin se si Koreja e Veriut furnizonte me armë mercenarët e Wagnerit. Fotografitë tregojnë trena rusë që hyjnë në Korenë e Veriut, marrin ngarkesa me armatim dhe kthehen në Rusi.

Debati për rekrutimet e mercenarëve për Wagnerin ka mbërritur edhe në Ballkan. “BBC” dhe “La Republica” kanë publikuar video shfaqen  mercenarë serbë që stërviten krah ushtarëve rusë të kompanisë famëkeqe për të luftuar në Ukrainë.

Ndërkohë, “Wagner” ka mohuar se po rekruton serbë për të luftuar në Ukrainë, duke iu përgjigjur në këtë mënyrë thirrjes së presidentit serb Aleksandar Vuçiç tha se Rusia duhet të ndalë përpjekjet e saj për të rekrutuar qytetarët e vendit të tij.

Operacioni i parë i Grupit krimnal ndërkombëtar ishte ndihma në aneksimin e Krimesë, në vitin 2014, ndërsa janë zgjeruar më tej në Afrikë dhe në Lindjen e Mesme.

Ditë më parë, një ish-komandant i Wagnerave kërkoi azil politik në Norvegji. Për mediat vendase ai përshkroi tmerret e luftës në Ukrainë dhe arratisjen nga Arktiku.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14