POP 5

Lajmet më të lexuara të 5 minutave të fundit

Bota

SHBA i kërkon Kinës të ndalë kërcënimet ndaj anijeve që lundrojnë në Detin e Kinës Jugore

Shtetet e Bashkuara i bënë thirrje Kinës që të "ndalë kërcënimin rutinë" që u bën anijeve të vendeve të tjera që kanë pretendime për Detin e Kinës Jugore, duke riafirmuar mbështetjen për një vendim të një gjykate arbitrazhi të vitit 2016, të cilin Kina tha të mërkurën se nuk njeh

SHBA i kërkon Kinës të ndalë kërcënimet ndaj anijeve që lundrojnë në Detin e Kinës Jugore

Shtetet e Bashkuara i bënë thirrje Kinës që të "ndalë kërcënimin rutinë" që u bën anijeve të vendeve të tjera që kanë pretendime për Detin e Kinës Jugore, duke riafirmuar mbështetjen për një vendim të një gjykate arbitrazhi të vitit 2016, të cilin Kina tha të mërkurën se nuk njeh.

Shtatë vite më parë gjykata e Përhershme e Arbitrazhit në Hagë arriti në përfundimin se pretendimi i Pekinit për pothuajse të gjithë Detin e Kinës Jugore, ishte i pabazë. Çdo vit në këtë det qarkullojnë mallra në vlerën e rreth 3 trilionë dollarëve.

Zëdhënësi i Departamentit amerikan të Shtetit Matthew Miller tha se vendimi ishte përfundimtar dhe ligjërisht i detyrueshëm për Filipinet dhe Kinën, dhe i kërkoi Pekinit të zbatojë ligjin ndërkombëtar.

Ai gjithashtu i bëri thirrje Pekinit të "ndalë veprimet kundër të drejtave sovrane të shteteve për të eksploruar, shfrytëzuar, ruajtur dhe menaxhuar burimet natyrore, si dhe t'i japë fund ndërhyrjes në liritë e lundrimit dhe fluturimit të shteteve që veprojnë ligjërisht në rajon".

Por Kina, veprimet "agresive" të së cilës në Detin e Kinës Jugore kanë qenë objekt i qindra protestave diplomatike nga ana e Filipineve, tha se nuk e njeh vendimin e gjykatës.

Për të shënuar përvjetorin e vendimit të gjykatës së arbitrazhit, i cili ka marrë mbështetjen e vendeve të tilla si Japonia, Mbretëria e Bashkuar dhe Australia, të mërkurën ministria e Jashtme e Filipineve, hapi një faqe interneti që përmban informacion zyrtar, në lidhje me fitoren ligjore të Manilës kundër Pekinit./VOA

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë

Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë

18 Dhjetor, 11:52