Vendimi i Kryetares demokrate të Dhomës së Përfaqësuesve, Nancy Pelosi, për të filluar hetimin me qëllim shkarkimin e Presidentit Donald Trump, ka komplikuar edhe më tej rrugën e pasigurtë për rizgjedhjen e tij vitin e ardhshëm.
Anketimet e opinionit publik sugjerojnë se Presidenti Trump gjendet në një situatë për rizgjedhje disi më të dobët se shumica e presidentëve të mëparshëm. Ai mbështetet tek ekonomia e fortë dhe përkrahësit e tij besnikë për të triumfuar ndaj votuesve të motivuar demokratë që pritet të marrin pjesë intensivisht në zgjedhje.
Ndërsa kandidon për t’u rizgjedhur, Presidenti Trump merr energji nga mbështetja e përkrahësve të tij, të cilët dalin me mijëra në tubimet e tij elektorale.
“Nën drejtimin e kësaj administrate, Amerika po punon sërish, Amerika po fiton sërish dhe Amerika po respektohet sërish, pas një periudhe shumë të gjatë”, u tha mbështetësve të tij Presidenti Trump.
Por tashmë Presidenti përballet me një sfidë të re: një hetim për shkarkimin e tij të udhëhequr nga demokratët në Dhomën e Përfaqësuesve. Shkak u bënë pjesërisht përpjekjet e tij gjatë një telefonate për t’i bërë presion Presidentit të Ukrainës për të hetuar djalin e rivalit të tij politik, Joe Biden. Një transkript i bisedës telefonike u bë publik të mërkurën nga Shtëpia e Bardhë.
“Presidenti duhet të japë llogari. Askush nuk është mbi ligjin”, deklaroi Pelosi.
Ndërsa vazhdon fushatën e tij elektorale, Joe Biden akuzoi Presidentin për abuzim me pushtetin.
“Kemi një President që beson se mund të bëjë çdo gjë dhe t’ja hedhë paq. Kemi një President që beson se është mbi ligjin”, tha Biden.
Presidenti Trump mohon të ketë gabuar dhe thotë se një hetim i demokratëve për ta shkarkuar, realisht do ta ndihmojë të rizgjidhet vitin e ardhshëm.
“Lajmi i mirë është se votuesit po e marrin mesazhin dhe prandaj po thuhet se është mirë për rizgjedhjen. Por, është keq për vendin”, tha Presidenti Trump.
Hetimet me qëllim shkarkimin e tij shtojnë një element pasigurie për shanset e rizgjedhjes së Presidentit, krahas një dobësimi të mundshëm të ekonomisë amerikane.
“Në këtë pikë mendoj vërtet se zgjedhjet e 2020-tës janë me shanse 50% me 50%, me shumë faktorë ndërveprues, kundër apo në favor të Trump-it. Mbi të gjitha, nuk dihet çfarë forme do të marrë ekonomia, nëse do të kemi luftë apo jo, si dhe nuk dihet ende identiteti i rivalit demokrat”, thotë Kyle Kondik, i Universitetit të Virxhinias.
Anketimet tregojnë se niveli i miratimit për Presidentin Trump është i ulët. Rrjedhimisht, Presidenti i mban shpresat tek një bazë mbështetësish shumë besnikë dhe energjikë që ta çojnë drejt fitores në 2020-tën.
“Pika e tij më e fortë është se ka një bërthamë mbështetësish që do t’i qëndrojnë pavarësisht se çfarë ndodh. Problemi i tij më i madh është se ata nuk janë shumica e elektoratit amerikan. Janë gati 40%”, thotë Susan Page, e gazetës “USA Today”.
Por, për sa kohë që ekonomia mbahet e fortë, Presidenti Trump do të vazhdojë të përfitojë.
“Mendoj se Trump është një lloj krejt i ndryshëm presidenti dhe se ai ka ende avantazhe strukturore. Mendoj se ai do të fitojë pasi ekonomia do të vazhdojë të jetë e fortë”, thotë strategu republikan, John Feehery.
Presidenti Trump po mundohet të shmangë fatin e presidentëve të mëparshëm që nuk u rizgjodhën dot: demokrati Jimmy Carter në vitin 1980, dhe republikani George H.W. Bush në vitin 1992.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
