Shtetet e Bashkuara paralajmëruan për një katastrofë të mundshme ekologjike në Detin e Kuq pas sulmit të grupit rebel Houthi ndaj një anije çisternë javën e kaluar.
Ambasadorja amerikane në Kombet e Bashkuara Linda Thomas-Greenfield tha të dielën në mbrëmje se Këshilli i Sigurimit “duhet të dënojë” sulmin e grupit rebel Houthi ndaj çisternës “Delta Sounion.”
Sipas saj, “veprimet e pacipa të rebelëve Houthi kërcënojnë të krijojnë një katastrofë ekologjike me pasoja shkatërrimtare për tërë rajonin.”
Ajo tha se Këshilli i Sigurimit të OKB-së duhet të kërkojë respektim të menjëhershëm të rezolutës së miratuar në muajin janar, që u bën thirrje rebelëve Houthi të ndalojnë sulmet ndaj anijeve në Detin e Kuq.
Grupi Houthi, i mbështetur nga Irani, tha të enjten se sulmi ndaj çisternës greke u bë në shenjë solidariteti me palestinezët për shkak të luftës së Izraelit dhe Hamasit në Gazë.
Ekipet e shpëtimit evakuuan ekuipazhin e anijes çisternë pas sulmit, e cila u përfshi nga flakët.
Misioni evropian detar në Detin e Kuq njoftoi se anija çisternë po transportonte 150,000 tonelata naftë së papërpunuar.
Zëdhënësi i Departamentit amerikan të Shtetit, Matthew Miller tha të shtunën se rebelët Houthi “e kanë bërë të qartë se janë të gatshëm të shkatërrojnë industrinë e peshkimit dhe ekosistemin rajonal në të cilën mbështeten jemenët dhe komunitetet tjera të rajonit për të jetuar, njësoj siç i kanë minuar edhe përpjekjet për të dërguar ndihma humanitare në rajon përmes sulmeve të tyre të pamatura.”
Sulmet e rebelëve Houthi kanë ndërprerë tregtinë në rrugët detare në Detin e Kuq dhe Gjirin e Adenit, duke detyruar shumë kompani të ndryshojnë rrugët e anijeve në drejtim të rrugëve më të gjata dhe më të shtrenjta./ VOA
Komente
Lajme të tjera
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
Amerika e provoj bashke me anglezet duke i bombarduar ata por duke pare qe nuk kishte asnje lloj efikasiteti tani po perdor stilin e kombeve te bashkuara qe ata nuk i kane respektuar kurre vendimet e tyre , me pak fjale gringove po ju iken situata nga duart pak nga pak , nuk jane me padronat e botes aq e kishin fuqine
Përgjigju