SHBA: Kemi gjetur sensorët e balonës kineze që rrëzuam

Ushtria Amerikane ka arritur që të gjejë në Oqeanin Atlantik sensorët e balonës së parë kineze që u rrëzua mbi SHBA, e cila dyshohej se përdorej për spiunazh. SHBA ka nisur prej një jave kërkimet për pjesët e balonës spiune kineze.

Ushtria amerikane tha sot se kanë gjetur pjesë të rëndësishme gjatë kërkimeve duke përfshirë edhe sensorin kryesor të balonës, si edhe pjesë të tjera elektronike. Tashmë këto pjesë i kanë kaluar FBI-së e cila po i shqyrton, pasi SHBA akuzon se kina i ka përdorur për të spiunuar në vende të ndjeshme ushtarake.

"Seksione të mëdha të strukturës" u gjetën gjithashtu të hënën në brigjet e Karolinës së Jugut, thonë zyrtarët ushtarakë.

LEXO EDHE:
SHBA-ja e shqetësuar me trajtimin e pakicave në Kosovë, u kërkon liderëve t’i dëgjojnë partnerët

Që nga incidenti i parë, avionët luftarakë amerikanë kanë rrëzuar tre objekte të tjera në lartësi të madhe mbi Alaskë, territorin Yukon të Kanadasë dhe liqenin Huron në kufirin SHBA-Kanada. Zyrtarët amerikanë thanë se balona përdorej nga Kina për spiunazh, por Kina tha se ishte thjesht një aeroplan për vëzhgimin e motit.

Balona, rreth 60 metra e lartë, mbante poshtë saj një paketë të gjatë me sensorë, për të cilën Gjenerali VanHerck tha se ishte sa madhësia një avioni të vogël rajonal. Ekipet amerikane të kundërzbulimit shpresojnë të mësojnë shumë më tepër për sensorët dhe pajisjet e tjera të balonës.

SI.E./Shqiptarja.com

TAG:
• Kine
• SHBA