Ambasadori amerikan në Prishtinë, Jeffrey Hovenier tha se Uashingtoni e mbështet transformimin 10-vjeçar të Forcave të Sigurisë së Kosovës dhe nënvizoi se këto forca treguan pjekuri gjatë konfliktit në Banjskë.
‘Dua të theksoj se gjatë sulmit të grupeve të armatosura paraushtarake ndaj sovranitetit të Kosovës më 24 shtator, Forcat e Sigurisë së Kosovës dhe Ministri i Mbrojtjes treguan pjekurinë dhe durimin e tyre profesional, duke forcuar reputacionin e tyre si partner i besueshëm duke shmangur provokimet që mund të çonin në përshkallëzime të mëtejshme.’ – tha Hovenier
Diplomati amerikan i bëri deklaratat gjatë një konference vjetore ndërkombëtare ‘FSK dhe Partnerët 2023’ gjatë ditës së sotme.
Hovenier shtoi se nuk ka asnjë problem në përpjekjet e vazhdueshme të SHBA-së dhe Kosovës për të punuar së bashku për të ndihmuar FSK-në që të përfundojë me sukses procesin e transformimit të FSK-së.
Ministri i Mbrojtjes së vendit, Naser Maqedonci siguroi ambasadorin amerikan se me transformimin e FSK, Kosova nuk do të bëhet kërcënim për askënd.
Ai theksoi se buxheti për FSK-në është rritur me 110% dhe tregoi arritjet që forcat e armatosura kanë bërë.
‘Për gjithë këto vite kemi bërë një transformim të vërtetë. Buxheti për FSK është rritur për 110 për qind. Në dy vitet e fundit ne kemi investuar në sistemin e armatimit dhe kemi marrë pjesë në stërvitje. FSK shkoi në Lindjen e Mesme për trajnime dhe operacione paqeruajtëse. Ne jemi gjithashtu krenarë për qendrën që ofron trajnime për operatorët vendas dhe ndërkombëtarë.’ - tha Macedonci
Në 24 shtator të këtij viti, forcat ekstremiste serbe sulmuan njësitë speciale të Kosovës në fshatin Banjskë në veri. Nga sulmi mbeti i vrarë oficeri i policisë së Kosovës, Afrim Bunjaku. Gjatë shkëmbimit të zjarrit humbën jetën dhe 3 terroristë. Ngjarja u dënua nga faktori ndërkombëtar, por nga ana tjetër, Serbia shpalli ditë zie kombëtare për 3 kriminelët serbë të vrarë, ç’ka dëshmoi mos-distancimin e saj nga sulmet.
BEOGRAD - Serbia ka reaguar pas deklaratave të ambasadorit amerikan në Prishtinë, Jeffrey Hovenier, i cili dha mbështetjen e Uashingtonit për transformimin e Forcave të Sigurisë së Kosovës në ushtri.
Ambasadori serb në SHBA, Marko Gjuriç përmes një reagimi ka thënë se transformimi i FSK-së, vetëm sa do e përkeqësojë marrëdhënien me Beogradin.
‘Përkrahja e transformimit të FSK-së në forca ushtarake të armatosura, nuk i kontribuon procesit të dialogut, qetësimit të tensioneve apo normalizimit të marrëdhënieve në rajonin tonë.’ – shkori Gjuriç në platformën X.
Gjuriç thotë se shndërrimi i FSK-së në ushtri është kundër Rezolutës 1244 të Këshillit të Sigurimit të OKB-së dhe se kjo do i jepte më shumë pushtet qeverisë kosovare.
‘Mbështetja për transformimin e FSK-së në këtë moment politik në Kosovë vetëm e forcon dhe shpërblen qeverinë ekstreme në Prishtinë, të drejtuar nga një agjendë etno-nacionaliste, nën mbikëqyrjen e së cilës 11 % e serbëve të Kosovës tashmë janë larguar nga vendi. Dialog mbetet e vetmja rrugë përpara dhe që ai të ketë sukses, nuk duhet të inkurajojmë më ata që e minojnë hapur.’ – shtoi Gjuriç.
Lajme të tjera
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32
