Figura e tij kontroverse dhe cështja e konfliktit të interesit pritet që të ngjallë debate, ndërsa nga ana tjetër presidenti Trump është gati të braktis biznesin e tij e t’i përkushtohet presidencës.Biznesmeni i prodhimit të naftës dhe miku i presidentit rus Vladimir Putin, Rex Tillerson do të jetë sekretar shtetit i SHBA konfirmoi manjati.
Sikurse ishte paralajmëruar vendimi i presidentit Trump është një zgjedhje kontroverse, një emër i cili rrezikon të përballet me Senatin por edhe me eksponentë të tjerë të partisë republikane. Tillerson 64 vjec është shquar si biznesmen në kompaninë Exxon Mobil, shoqëria më e madhe amerikane në industrinë e naftës.
Biznesmeni nuk ka eksperiencë në politikën e jashtme por ka krijuar lidhje me liderët botëror kryesisht në Euroazi dhe Lindjen e Mesme.
“Eshtë një lojtar në nivel botëror” u shpreh Trump. Por ajo cka sjell shumë pikëpyetje rreth figurës së Tillerson është pikërisht afërsia me liderin e Kremlinit Putin i cili në vitin 2013 i ka dorëzuar biznesmenit ‘Urdhërin e Miqësisë’, një nga nderimet më të mëdha të qeverisë ruse.
Por zgjedhja e Tillerson i hap rrugë edhe diskutimeve ku përfshihet çështja e konfliktit të interesit, pasi 64 vjeçari zotëron aksioni në kompaninë ‘Exxon’. Nga ana tjetër kujtojmë edhe tensionet e krijuara nga Cia sipas së cilës në fushatën presidenciale ka ndërhyrë qeveria Rusia.
Ndërsa presidenti Putin është shprehur i gatshëm të takohet me Trump në çdo moment.
Ndërkohë Presidenti i zgjedhur amerikan ka vendosur që të sqaroj në një konferencë shtypi të gjitha detajet e asaj që perceptohen si konflikt i mundshëm interesi.
“Edhe pse ligji nuk përcakton ndonjë klauzolë, do të lë biznesin tim përpara janarit për t’iu përkushtuar presidencës. Dy nga fëmijët e tij së bashku me menaxherë të tjerë do të drejtojnë aktivitetin tim,” shkroi manjati në rrjetin social twitter.
Redaksia Online
(B.K/Shqiptarja.com)
![](https://www.shqiptarja.com/template/img/sh_logo1.png)