SHBA ndihmë Shqipërisë me teste për luftën kundër koronavirusit

Shtetet e Bashkuara të Amerikës do të ndihmojnë Shqipërinë për furnizimin e laboratorëve me pajisje testimi si dhe për masa të tjera kundër koronavirusit, ndërsa nuk e specifikon numrin. "Qeveria e Shteteve të Bashkuara, përmes USAID/Albania, po bashkërendon me Organizatën Botërore të Shëndetësisë ndihmën për autoritetet shqiptare të shëndetësisë në luftën kundër pandemisë COVID-19. USAID po ndihmon Shqipërinë për furnizimin e laboratorëve me pajisje testimi, për rritjen e mundësive të zbulimit të rasteve pozitive dhe të gjurmimit të kontakteve të rasteve, si dhe për masa të tjera. Kjo ndihmë ofrohet në vijim të një partneriteti prej dekadash. Gjatë 20 viteve të fundit, Shtetet e Bashkuara kanë investuar në Shqipëri mbi 51.8 milionë dollarë në fushën e shëndetësisë, dhe mbi 693 milionë dollarë në total" shkruan ambasada e SHBA-së në Tiranë. Në 20 mars Amerika njoftoi se do të japë 100 mln dollarë për të ndihmuar Shqipërinë dhe vendet e tjera partnere në luftën kundër koronavirusit.

Lajmi kryesor:

SHBA dhe Kina ndihmojnë Shqipërinë me teste për COVID-19, ISHP: Bujari nga një vend me zemër të madhe

TAG:
• SHBA
• Kina
• teste
• ISHP
• USAID
• koronavirusi ne shqiperi