Shtëpia e Bardhë ka filluar bisedimet me miliarderin Elon Musk për të mundësuar që shërbimi satelitor i kompanisë SpaceX të ofrohet në Iran, njoftoi të premten kanali televiziv CNN.
Kanali citoi zyrtarë amerikanë në dijeni të bisedimeve, të cilët thonë se Shtëpia e Bardhë e shikon shërbimin e internetit të quajtur Starlink, si një mënyrë e mundshme për t’u lejuar iranianëve qasjen në internet, dhe anashkalimin e kufizimeve të qeverisë.
Qeveria iraniane kufizoi së tepërmi qasjen në internet pasi filluan muajin e kaluar protestat për vdekjen e 22 vjeçares Mahsa Amini, e cila ishte arrestuar nga ashtuquajtura policia e moralit.
“Po bëjmë çfarë të mundemi për të mbështetur aspiratat e popullit iranian”, i tha CNN-it një zyrtar i lartë i administratës amerikane.
“Njëkohësisht, kjo është vërtet një lëvizje iraniane, e udhëhequr nga vajzat dhe që po përhapet në aspekte të tjera të shoqërisë. Dhe ne nuk duam kurrsesi të eklipsojmë lëvizjen e tyre”, tha zyrtari.
Shtëpia e Bardhë nuk iu përgjigj menjëherë kërkesave të Zërit të Amerikës për koment. Shërbimi Starlink, i cili përdor satelitët për të transmetuar shërbim interneti drejt tokës, i ka ofruar internetin Ukrainës që kur Rusia sulmoi ushtarakisht.
Kanali CNN njoftoi javën e kaluar se kompania SpaceX i ka kërkuar Pentagonit të paguajë dhjetëra miliona dollarë në muaj për të financuar shërbimin Starlink në Ukrainë. Pasi kjo u raportua në edicionet e lajmeve, zoti Musk shkruajti në Twitter se e ka tërhequr mbrapsht kërkesën për fonde.
Nuk dihet nëse shërbimi Starlink po kërkon financimin e qeverisë së Shteteve të Bashkuara për të mundësuar aktivitetin në Iran.
Zonja Amini u arrestua më 13 shtator nga policia iraniane e moralit për “veshje të papërshtatshme të hixhabit”. Ajo vdiq tre ditë më vonë ndërsa mbahej nga policia, duke shkaktuar kështu protesta në mbarë vendin./VOA
Komente
Lajme të tjera
-
Tentoi të trafikojë në SHBA 1 ton kokainë më 2023, SHBA i kërkojnë Shqipërisë kolumbianin e arrestuar në laboratorin e Fushë-Krujës
25 Janar, 20:23 -
Vota e Diasporës/ Balla tur në SHBA: Vota e shqiptarëve në Miçigan e rëndësishme, sherrin e Tiranës të mos e sjellim këtu! Konsullatë në Detroit dhe linjë fluturimi
25 Janar, 15:52 -
Senati amerikan konfirmon Pete Hegseth si kreun e Pentagonit
25 Janar, 11:15 -
SHBA urdhëron pezullimin e ndihmës ndërkombëtare
25 Janar, 09:28 -
'Groenlanda nuk shitet', zbardhet telefonata e tensionuar mes Donald Trump dhe kryeministres daneze
25 Janar, 07:40 -
Analiza e VOA: Elon Musk dhe historiku i manjatëve në politikën amerikane
24 Janar, 22:15 -
Grupet e para të imigrantëve dëbohen nga Shtetet e Bashkuara me aeroplanë ushtarakë
24 Janar, 22:10 -
Fokusi i Presidentit Trump në Groenlandë për shkak të militarizimit të rajonit nga Rusia
24 Janar, 22:05 -
Të armatosur deri ‘në dhëmbë’, ushtria amerikane zbarkon pranë kufirit me Meksikën (VIDEO)
24 Janar, 21:56 -
Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni çfarë diskutuat
24 Janar, 21:12 -
Ylli Pata: Gënjeshtrat e trasha nga PD, se Donald Trump pezulloi fondet për SPAK
24 Janar, 20:07
-
Tani është zyrtare, Myrto Uzuni bëhet 'i gjelbërt' dhe kalon tek amerikanët e Austin! Granada konfirmon shitjen, ja vlera dhe kontrata e firmosur
24 Janar, 19:46
