Nëna e tre vajzave, Albana Ndoci, i ka shpëtuar dëbimit nga SHBA. Zyra e Emigracionit dhe Doganave e lejoi shqiptaren të qëndronte edhe 1 vit në shtetet e SHBA-së. Shqiptarja emigrante u ndje shumë e kënaqur dhe e emocionuar nga vendimi që shtynte për një vit dhënien e një vendimi zyrtar nëse do të ndahet apo jo nga familja e  saj.

Emigrantja 40-vjeçare kishte emigruar në SHBA para 16 vitesh dhe ndërkohë ka tre vajza të moshës vajza 15, 12 dhe 6 vjeçe. Por dy vajzat e  vogla vuajnë nga disa sëmundje të ndyshme, skoliozë dhe disa komplikacione në zemër. Pas vendimit të dhënë nga Zyra e Emigracionit në SHBA, Albana Ndoci u shpreh se:

Isha nervoze. Më pas më thanë që mund të qëndroja. Isha shumë e lumtur, mendoja për vajzat.

Albana Ndoci

Albana tha se kishte pasur frikë nga deportimi, pasi kohët e fundit shumë prindër ishin ndarë nga fëmijët e tyre në kufirin me Meksikën. Ndërsa avokatët e Albanës theksuan se ajo ka fituar të drejtën për të jetuar në Amerikë, por nuk mund të diskutojnë kushte specifike, duke iu referuar shtyrjes së vendimit për të qëndruar atje.