“Racizmi nuk ka përfunduar, paragjykimet mbeten, askush nuk është imun . Nëse jemi të ndershëm, jemi në gjendje të dëgjojmë paragjykimet brenda nesh.

Nuk mund të injorojmë protestat e afroamrikanëve" kështu u shpreh presidneti i SHBA Barack Obama gjatë homazheve të zhvilluara në nder të 5 policëve të vrarë këtë të enjte nga rezervisti Micah Johnson.

“Jemi këtu për të nderuar kujtimin dhe humbjen e 5 vëllezërve tanë amerikanë, të lutemi për të plagosurit dhe për të gjetur një shpjegim te kësaj ngjarje.

Nuk kishte të bënte nëse ishin njerëz me ngjyrë ose jo. Në momentin e goditjes me snajper të gjithë po ndihmonin njëri-tjetrin.

Kjo është Amerika që njoh unë”, shtoi kreu i shtëpisë së bardhë i cili shoqërohej nga bashëkëshortja e tij Michel Obama, zv presidenti Joe Biden dhe ish presidenti amerikan George Bush.

Para një jave të paktën 5 policë mbetën të vrarë gjatë një proteste që po zhvillohej kundra dhunës së autoriteteve ndaj afroamerikanëve.

Micah Jonson autori i sulmit i cili u vra më pas nga një polic robot u shpreh se donte të vriste “njerëzit e bardhë”, në shenjë revolte ndaj vrasjeve të fundit të afro-
amerikanëve .

Redaksia Online
(M.Ç/shhqiptarja.com)