UASHINGTON, 1 tetor /ATSH-AFP/ - Presidenti amerikan, Barack Obama kërkoi sot ndryshimin e "status quo"-së mes izraelitëve dhe palestinezëve, gjatë takimit të parë në Shtëpinë e Bardhë me kryeministrin izraelit, Benjamin Netanyahu që prej luftës në Rripin e Gazës këtë verë.
"Ne duhet të gjejmë mjetet e nevojshme për të ndryshuar 'status quo'-në, me qëllim që qytetarët izraelitë ashtu dhe fëmijët të jenë të mbrojtur nga lëshimi i raketave, por gjithashtu që të mos përballemi më me tragjedinë e fëmijëve të vrarë palestinezë", deklaroi Obama.
Kryeministri izraelit, Benjamin Netanyahu paralajmëroi gjatë vizitës në Shtëpinë e Bardhë presidentin Obama kundër një marrëveshjeje me Teheranin, që do ta afronte Iranin drejt aksesit të armëve bërthamore./
/ec/  a.jor.