SHBA ofroi 3 milionë dollarë për arrestimin e tij, kapet në Meksikë bashkëpunëtori i 'El Chapo-s'

Garda Kombëtare meksikane ka kapur ditën e djeshme (22 Nëntor) Nestor Isidro Perez Salas, ose i njohur ndryshe si "El Nini", i cili akuzohet se drejtonte sigurinë për fraksionin e Kartelit Sinaloa të kryesuar nga djemtë e themeluesit "El Chapo".

I njohur nga agjentët amerikanë kundër narkotikëve, si një nga figurat më të pamëshirshme meksikane të drogës, Perez Salas u arrestua në Culiacan, zemra e kartelit Sinaloa, dhe u dërgua në qytetin e Meksikos, sipas të dhënave të paraburgimit të qeverisë.

Ai akuzohet nga Departamenti Amerikan i Shtetit se ka punuar për Ivan Archivaldo Guzman për të udhëhequr "Ninit", një grup i dhunshëm i personelit të sigurisë për vëllezërit Guzman, i njohur gjithashtu si "Los Chapitos".

Gjykatat amerikane kanë paditur Perez Salas me një sërë akuzash në lidhje me rolin e tij të dyshuar në krye të aparatit të sigurisë së Chapitos, duke përfshirë konspiracionin e trafikut të kokainës dhe metamfetaminës, posedimin e mitralozëve dhe hakmarrjen e dëshmitarëve. Departamenti i Shtetit kishte ofruar deri në 3 milionë dollarë për informacion që të çonte në arrestimin e tij.

Kapja e Ninit vjen më pak se një javë pasi presidenti amerikan Joe Biden u takua me homologun e tij meksikan Andres Manuel Lopez Obrador, raporton Reuters.

“Ne po punojmë krah për krah për të luftuar trafikun e armëve, për të trajtuar krimin e organizuar dhe për të trajtuar epideminë e opioideve, përfshirë fentanilin”, tha Biden.

SHBA dhe Meksika ranë dakord gjithashtu me Kinën javën e kaluar për të frenuar rrjedhën e kimikateve pararendëse të fentanilit nga vendi aziatik. Karteli Sinaloa është kryesisht përgjegjës për fluksin e madh të fentanilit në SHBA në vitet e fundit, pretendon Administrata Amerikane e Zbatimit të Drogës.

Në janar, autoritetet meksikane kapën Ovidio Guzman në Sinaloa dhe e ekstraduan atë në Shtetet e Bashkuara në shtator. Tre vëllezërit e tjerë Guzman, të cilët dyshoheshin se ishin udhëheqës të Los Chapitos - duke përfshirë personazhin- Ivan mbeten të lirë.

S.S/Shqiptarja.com

TAG:
• SHBA