SHBA ofron deri në 5 milionë dollarë për informacion mbi vrasjen e prokurorit paraguaian

Departamenti Amerikan deklaroi të enjten se ofron deri në 5 milionë dollarë për informacionin që çon në arrestimin e atyre që janë të përfshirë në vrasjen e një prokurori paraguaian në muajin maj.

"Prokurori Paraguaian Marcelo Pecci ishte një prokuror i respektuar që ndoqi me sukses shumë raste të krimit të organizuar të profilit të lartë", thuhet në deklaratë.

Pecci dhe gruaja e tij, gazetarja Claudia Aguilera, ishin në muajin e mjaltit në një hotel në gadishullin Baru në bregun e Karaibeve të Kolumbisë më 10 maj, kur dy vrasës mbërritën në plazh me jet-ski dhe qëlluan mbi çiftin.

Deklarata thoshte se qëllimi i "ofertës së shpërblimit është të kërkojë informacion që çon në arrestimin dhe/ose dënimin e çdo bashkëpunëtor shtesë, duke përfshirë ata që janë përgjegjës për financimin dhe urdhërimin e vrasjes".

Autoritetet kolumbiane, si pjesë e një hetimi, identifikuan gjashtë bashkëpunëtorë të cilët u akuzuan për kryerjen e vrasjes. Policia kolumbiane tha se vrasja lidhej me disa raste të profilit të lartë me të cilat Pecci ishte përfshirë në Paraguaj.

“Shtetet e Bashkuara shprehin një falenderim të thellë për hetimin e jashtëzakonshëm nga autoritetet kolumbiane, i cili çoi në kapjen e pesë prej individëve që kryen këtë atentat të pamëshirshëm”, thuhet në deklaratë.

S.S/Shqiptarja.com

TAG:
• SHBA