POP 5

Lajmet më të lexuara të 5 minutave të fundit

Bota

SHBA, pritet heqja e kufizimeve mbi udhëtimet nga 8 vende të Afrikës

Shtetasit e huaj, të cilëve u është ndaluar hyrja në Shtetet e Bashkuara për shkak se kanë qenë banorë të një prej këtyre tetë vendeve, do të lejohen përsëri të fluturojnë drejt SHBA-së prej datës 31 dhjetor.

SHBA, pritet heqja e kufizimeve mbi udhëtimet nga 8 vende të Afrikës

Foto ilustruese

Administrata Biden do të heqë kufizimet e vendosura mbi udhëtimet nga tetë vende që i përkasin jugut të Afrikës, të cilat u vendosën muajin e kaluar për shkak të shqetësimeve në lidhje me variantin tejet ngjitës të koronavirusit, atë Omicron. Lajmi u konfirmua për agjencinë e lajmeve ‘Reuters’ nga një zyrtar i lartë i administratës.

Shtetasit e huaj, të cilëve u është ndaluar hyrja në Shtetet e Bashkuara për shkak se kanë qenë banorë të një prej këtyre tetë vendeve, do të lejohen përsëri të fluturojnë drejt SHBA-së prej datës 31 dhjetor.

Më 29 nëntor Uashingtoni ndaloi pothuajse të gjithë shtetasit e huaj që kishin qenë kohët e fundit, apo që janë banorë të Afrikës së Jugut, Botsvanës, Zimbabves, Namibisë, Lesotos, Esuatinit, Mozambikut dhe Malavit, me qëllimin për të mënjanuar çdo rrezik mbi variantin e zbuluar në Afrikën e Jugut.

Zyrtari tha se agjencitë e shëndetit publik kishin rekomanduar heqjen e kufizimeve të udhëtimit pasi sipas tyre mbajtja në fuqi nuk do të kishte një ndikim të rëndësishëm në rastet e reja me COVID në SHBA duke pasur parasysh përhapjen aktuale, faktin se një vaksinë specifike kundër Omicron-it nuk është e nevojshme dhe se vaksinat ekzistuese apo dozat përforcuese janë shumë efektive.

"Kjo pauzë në udhëtime e ka bërë punën e vet. Na dha kohë për të kuptuar dhe analizuar variantin e ri", i tha agjencisë ‘Reuters’ zyrtari amerikan, i cili nuk pranoi të identifikohej pasi vendimi nuk është bërë ende publik./VOA/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

VIDEO/ Si askush tjetër, Cristiano Ronaldo shënon gol për të 24-tin vit radhazi

VIDEO/ Si askush tjetër, Cristiano Ronaldo shënon gol për të 24-tin vit radhazi

10 Janar, 14:04