POP 5

Lajmet më të lexuara të 5 minutave të fundit

Bota

SHBA, protestohet për të tretën natë radhazi, pas vrasjes së 20 vjeçarit afrikano-amerikan

Nëpër lagjet e qytetit amerikan Mineapolis, zyrtarët policorë kanë shpërndarë qindra protestues, të cilët janë mbledhur për të tretën natë radhazi, për të protestuar kundër të shtënave të policisë, që kanë rezultuar me vrasje të një burri me ngjyrë.

SHBA, protestohet për të tretën natë radhazi, pas vrasjes së 20 vjeçarit afrikano-amerikan

Nëpër lagjet e qytetit amerikan Mineapolis, zyrtarët policorë kanë shpërndarë qindra protestues, të cilët janë mbledhur për të tretën natë radhazi, për të protestuar kundër të shtënave të policisë, që kanë rezultuar me vrasje të një burri me ngjyrë.

Autoritetet në Brooklyn kanë urdhëruar protestuesit që të shpërndahen, pasi kanë shpallur këto organizime të paligjshme, thirrje që ka marrë një kundërpërgjigje të dhunshme nga protestuesit të cilët nuk kanë nguruar të hedhin objekte drejt policisë. Policia është përgjigjur me plumba gome dhe spraj piperi.

Që nga 13 prilli, autoritetet në qytet janë duke zbatuar masën e orës policore nga ora 22:00, pas protestave që ka nxitur rasti i vrasjes së 20-vjeçarit Daunte Wright, afrikano-amerikan, pas një ndalese në Qendrën Brooklyn më 11 prill.

Kryetari i Qendrës Booklyn, Mike Eliott ka thënë se shpreson për qetësi në komunitet, pasi oficerja e policisë Kim Potter, ka dhënë dorëheqje më 13 prill, bashkë me shefin policor.

Policia ka publikuar pamjet e kamerave trupore të zyrtarëve policorë, që kanë treguar për një përleshje në mes të policisë dhe Wright, pas ndalimit të tij për shkak të skadimit të targave të makinës dhe policia ka tentuar më pas ta arrestojë atë.

Babai i viktimës, Aubrey Wright, ka theksuar se justifikimi i oficeres se ka përdorur armën e gabuar nuk e kthem mbrapsht të birin.

 “Unë kam humbur djalin tim. Ai nuk do të kthehet kurrë. Nuk mund ta pranoj këtë. Gabim? Kjo madje as nuk tingëllon mirë. Zyrtarja ka qenë në këtë pozitë për 26 vjet. Nuk mund ta pranoj këtë”.

Ngjarja ka ndodhur në një kohë që në SHBA po mbahet gjyqi ndaj Derek Chauvin, oficerit policor të akuzuar me vrasjen e George Floydit, po ashtu afrikano-amerikan. Vrasja e tij shkaktoi protesta në tè gjithë SHBA dhe më gjerë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03