Republikani Matt Gaetz, ka tërhequr kandidaturën e tij për postin e Prokurorit të Përgjithshëm, të propozuar nga Presidenti i zgjedhur Donald Trump, pas kundërshtimeve nga disa senatorë republikanë, mbështetja e të cilëve do t’i duhej për të siguruar këtë pozicion.
Gaetz, i cili dha dorëheqjen nga posti i tij në Dhomën e Përfaqësuesve javën e kaluar, po përballet me një hetim nga Komisioni i Etikës për akuza që lidhen me marrëdhënie seksuale me një vajzë 17-vjeçare, të cilat ai i ka mohuar kategorikisht.
Ndërsa disa senatorë republikanë kishin shprehur shqetësime për kandidaturën e tij, asnjëri prej tyre nuk kishte deklaruar hapur se do ta kundërshtonte.
Senatorja republikane Cynthia Lummis tha se largimi i Gaetz nga gara i jep Presidentit Trump mundësinë për të zgjedhur një kandidat tjetër për Prokuror të Përgjithshëm, i cili do të hasë më pak kundërshtime në Senat.
CNN raporton se Trump e ka lavdëruar Matt Gaetz, për vendimin e tij.
“E vlerësoj shumë përpjekjen e Matt Gaetz për t’u emëruar Prokuror i Përgjithshëm. Ai ishte duke e bërë shumë mirë, por, në të njëjtën kohë, nuk donte të ishte një shpërqendrim për Administratën, të cilën e respekton shumë. Matt ka një të ardhme të ndritur dhe mezi pres të shoh të gjitha sukseset që do të arrijë!” shkroi Trump në një postim në Truth Social.
Ekipi i tranzicionit të Trump tha se ai “mbetet i përkushtuar për të zgjedhur një udhëheqës për Departamentin e Drejtësisë, i cili do të mbrojë fort Kushtetutën dhe do të ndalë keqpërdorimin e sistemit të drejtësisë.”
Në një deklaratë, Karoline Leavitt, zëdhënëse e ekipit të tranzicionit Trump-Vance, tha se Trump do të njoftojë kur të ketë bërë një zgjedhje tjetër.
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
