Zyrtarët amerikanë deklaruan se nuk do të bëjnë lëshime ndaj Koresë së Veriut dhe se do të vazhdojnë presionin ndaj regjimit të Phenianit. Komentet bëhen në prag të një takimi të planifikuar mes Presidentit Donald Trump dhe udhëheqësit të Koresë së Veriut Kim Jong Un.
"Mos kini asnjë dyshim, ndërsa negociatat zhvillohen, nuk do të ketë lëshime", tha drejtori i CIA-s, Mike Pompeo për kanalin Fox News. Pompeo theksoi se udhëheqësi i Koresë së Veriut duhet të "vazhdojë të na lejojë të bëjmë stërvitjet e nevojshme ushtarake" me Korenë e Jugut "dhe të diskutojë mbi çnuklearizimin" e ushtrisë së tij.
Zëdhënësi i Shtëpisë së Bardhë, Raj Shah, i tha kanalit ABC News, se "Presidenti nuk i ka miratuar politikat e dështuara të dekadave të fundit, në të cilat Shtetet e Bashkuara kanë bërë lëshime që në fillim të negociatave. Politika jonë bazohet në presion nga partnerët tanë dhe aleatët në mbarë botën, presion nga Kombet e Bashkuara, presioni përmes Kinës".
Ai shtoi se "ky presion ka ndikuar në sjelljet e Kim Jong Un-it dhe në mënyrën se si ai vepron". "Kështu që ne shpresojmë se kjo fushatë e vazhdueshme e presionit nga parnerët dhe aleatët tanë në mbarë botën, do të ndryshojë sjelljen e Koresë së Veriut".
Zoti Shah tha Presidenti Trump "trashëgoi një politikë që nuk po funksiononte në tetë vitet e mëparshme" gjatë administratës së ish presidentit Barak Obama. Ai tha se, përkundrazi, Presidenti Trump ka "miratuar një politikë të presionit maksimal ndaj regjimit të Koresë së Veriut. Ne kemi parë se si Kina ka zvogëluar ndjeshëm tregtinë me Korenë e Veriut" dhe Kombet e Bashkuara kanë miratuar "sanksione më të ashpra" kundër Phenianit.
Sekretari i Thesarit Steven Mnuchin tha për kanalin NBC News, se "nuk ka dyshim se këto sanksione po funksionojnë dhe i sollën ata në tryezën e bisedimeve".
l.q/Shqiptarja.com
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.6%
-
Jo
18.7%
-
Ndoshta
10.6%
Vota total: 913
Votat totale janë unike
Lajme të tjera
-
Miratohet draft-marrëveshja për ndërtimin e sheshit fundor të Bulevardit të Ri në Tiranë
22 Korrik, 23:01
-
Vuçiç: Perëndimi po përgatitet për konflikt direkt me Federatën Ruse
22 Korrik, 22:58
-
Kushtoi 10 milionë euro, Kylian Mbappe blen shtëpinë e Gareth Bale në Madrid! Pishina, fusha futbolli dhe golfi
22 Korrik, 22:54
-
FOTO e re/ Momenti kur Blushi e Valteri përplasen fizikisht në Këshillin Bashkiak
22 Korrik, 22:50
-
VIDEO/ Digjet banesa në Lazarat
22 Korrik, 22:34
-
'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin
22 Korrik, 22:30
-
'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit
22 Korrik, 22:13
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47