Projektligji i propozuar për forcimin e kontrollit ndaj armëve në SHBA është rrëzuar nga Senati amerikan.Për miratimin e ligjit nevojiteshin 60 vota, ndërkohë që kanë votuar 53 senatorë pro tij dhe 47 kundër, duke bërë kështu që ligji të rrëzohej.Senati i Shteteve të Bashkuara ka refuzuar propozimet që kufizojnë shitjen e armëve.

Propozimet kanë përfshirë kontroll më të gjerë për blerësit dhe ndalimin e shitjeve te personat që ndodhen në listat për terrorizëm.

Ligjvënësit demokratë dhe republikanë, megjithatë, kanë thënë se do të vazhdojnë të kërkojnë një kompromis. Masat janë vënë në diskutim pas të shtënave vdekjeprurëse, javën e kaluar në Orlando të Floridës ku u vranë 49 persona. Shoqata Kombëtare e Armëve në SHBA po lobon fuqishëm kundër kufizimit të armëve.

Senatori republican John Cornyn u shpreh se kolegët duhet të luftojnë të eleminojnë ekstremizmin islamik që është shkaku kryesor i ngjarjes në Orlando. Kolegët  duan të trajtojnë simptomat pa luftuar sëmundjen.”

Redaksia online
(Shqiptarja.com)