SHBA shmangu kreun e SHISH
Visho Ajazi, s’jep garanci

TIRANE- Sinjalin për humbjen e besimit të Aleancës së Atlantikut të Veriut ndaj kreut të shërbimit sekret Shqiptar Visho Ajazi Lika e kanë dhënë javë më parë përfaqësues të Sigurisë së SHBA. Kështu, ata kanë shpangur kreun e SHISH Visho Ajazi duke mos e përfshirë në axhendën e takimeve dhe duke treguar qartë se nuk janë të kënaqur me punën që po bëhet në strukturat e Shërbimit sekret shqiptar kryesisht në lidhje me luftën ndaj shtrirjes së ndikimit të radikalëve islamikë në Shqipëri.

Një delegacion amerikan ku bënin pjesë disa agjenci, përfshi përfaqësues të Departamenteve të Shtetit, Drejtësisë, Sigurisë së Brendshme e Qëndrës Kombëtare të SHBA kanë qënë në Tiranë në fundin e janarit të këtij viti. Ata u takuan me Presidentin Bujar Nishani, kryeministrin Edi Rama dhe zyrtarë të tjerë për të diskutuar për bashkëpunimin kundër terrorizmit, por nuk kanë takuar kreun e SHISH, duke treguar qartë se tashmë për ta nuk jep asnjë garanci në krye të këtij shërbimi. Ndonëse strukturat e SHISH përmes lajmeve të emetuara si kundërpedal për të sfumuar këtë shmangie të hapur të SHBA në gazetat afër Berishës, ajo që e ka nxjerrë zbuluar ka qënë takimi i këtij delegacioni të zgjeruar në Kosovë.

Delegacioni amerikan pjesë e të cilit ishte edhe Byroja Federale e Hetimeve, u takua me ministrin e Brendshëm Bajram Rexhepi, zv.kryeministrin e Kosovës, Hajredin Kuçi, Drejtorin e Përgjithshëm i Policisë së Kosovës Shpend Maxhuni dhe strukturat e tjera të sigurisë në Kosovë. Pra janë takuar organet e sigurisë së Kosovës dhe e njëjta gjë ka ndodhur dhe në Maqedoni, ndërsa në Tiranë kreu i SHISH s’përfshihet në axhendë.

Shkrimi u publikua sot (22.02.2014) në gazetën Shqiptarja.com (print)

Redaksia Online
(d.d/shqiptarja.com)

TAG:
• visho ajazi lika