Ambasada e Shteteve të Bashkuara në Tiranë ka postuar një koment mjaft domethënës në rrjetin social Facebook, ku shprehet e shqetësuar për fatin e shqiponjës, shqiptare një specia e kërcënuar jashtëzakonisht shumë nga zhdukja.

Duke parë pamjet barbare të kohëve të fundit, ku në Shqipëri janë parë shqiponja të torturuara dhge të shitura rrugëve pa asnjë lloj ndjeshmërie, duket se një gjë e tillë ka shqetësuar më tepër aleatin kryesor të Shqipërisë, se sa vetë organet kompetente, për të ndërjmarrë nisma për të shpëtuar shpendin,m që ëhstë edhe simboli ynë kombëtar.

“A e dini që shqiponja është simbol si për Shqipërinë ashtu edhe për Shtetet e Bashkuara? Në Shtetet e Bashkuara, shqiponja kryebardhë u hoq nga lista federale e specive të kërcënuara dhe rrezikuara më 9 gusht 2007 dhe specia tani është në lulëzim. Për fat të keq, shqiponja është në rrezik në Shqipëri. Çfarë mund të bëjmë për t’i ruajtur këto specie të jashtëzakonshme?” – shkruan ambasada amerikane.

Duke patur parasysh, se disa arinj të cilët mbaheshin të izoluar dhe keqtrajtuar për të argëtuar klientët e disa lokaleve private në Shqipëri, u liruan dhe u dërguan në Kosovë për të qenë të sigurt, shpresohet që të paktën me shqiponjat shteti shqiptar të mund të tregohet i aftë që t’i mbrojë në territorin e tij, pa i detyruar që të emigrojnë, apo më keq, që të zhduken përgjithnjë.

U.S. Embassy-Tirana|
Statusi i Ambasadës Amerikane në facebook

s.k/Shqiptarja.com