POP 5

Lajmet më të lexuara të 5 minutave të fundit

Politikë

SHBA/ Siguria kufitare e Shqipërisë, Xhafaj merr mbështetjen e zv.kordinatores amerikane për antiterrorizmin

Ministri Xhafaj, prezantoi reformat e ndërmarra nga policia shqiptare, duke përfshirë edhe ato për policimin në komunitet
SHBA/ Siguria kufitare e Shqipërisë, Xhafaj merr mbështetjen e zv.kordinatores amerikane për antiterrorizmin

Në foto ministri i Brendshem Fatmir Xhafaj me funksionarë të lartë të policisë së Shtetit, ambasadorja e Shqipërisë në SHBA Luli-Faber dhe Zëvendës Koordinatoren për Antiterrorizmin në SHBA, Alina Romanowski

Takimi i radhës në Departamentin e Shtetit, i Ministrit të Brendshëm dhe drejtuesve kryesorë të Policisë së Shtetit, ishte me Zëvendës Koordinatoren për Antiterrorizmin, Alina Romanowski dhe nënshkrimi i marrëveshjes me të. Ai u fokusua në përpjekjet e Shqipërisë lidhur me parandalimin e fenomenit të radikalizmit dhe ekstremizmit të dhunshëm si dhe forcimin e luftës kundër terrorizmit.

Ministri Xhafaj, prezantoi në këtë kontekst, reformat e ndërmarra në këtë fushë duke përfshirë edhe ato për policimin në komunitet, me qëllim kontrollin më të mirë të territorit dhe përmirësimin e marrëdhënies me komunitetin, me fokus parandalimin e kriminalitetit. Ai theksoi gjithashtu se prioritet për qeverinë shqiptare mbetet ruajtja dhe menaxhimi i integruar i kufijve, proces i cili asistohet teknikisht edhe nga Departamenti i Shtetit, përmes një sërë projektesh konkrete.

Romanowski vlerësoi bashkëpunimin e deritanishëm dhe siguroi vazhdimësinë e mbështetjes amerikane sa i takon sigurisë kufitare. Ajo inkurajoi proceset e nisura në Policinë e Shtetit, veçanërisht reformën e policimit në komunitet, zbatimi me sukses i të cilës do të ndikojë në parandalimin e kriminalitetit dhe radikalizmit.

Ministri Xhafaj e informoi Romanowski-n lidhur me reformat e tjera të rëndësishme në luftë kundër krimit të organizuar, operacionin “Forca e Ligjit”, luftën kundër trafikut të drogës, kontrabandimit të migrantëve etj.

Palët nënshkruan një memorandum bashkëpunimi midis dy qeverive, në fushën e luftës kundër terrorizmit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bertani: 23/03/2018 22:23

    Ktij i them hallall une. Te te presi amerika ne takim do te thot qe pret nga ty.

    Përgjigju
  • Erii: 23/03/2018 22:22

    Kte qe kur beri reformen ne drejtesi vdesin nderkombetaret

    Përgjigju
  • Antoneta: 23/03/2018 22:22

    Mbeshtetje nga DEA do te thot qe beson te shqiperia dhe reformat.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Pasi u rrëzua nga pushteti në Siri, Assadit i ndodh e papritura! Gruaja i kërkon divorcin

Pasi u rrëzua nga pushteti në Siri, Assadit i ndodh e papritura! Gruaja i kërkon divorcin

23 Dhjetor, 09:38