SHBA/ 'Stop se është Krishtlindje', sherr në familje për dhuratat, 14-vjeçari vret motrën dhe më pas qëllohet nga i vëllai

SHBA/ 'Stop se është Krishtlindje', sherr në familje për dhuratat, 14-vjeçari vret motrën dhe më pas qëllohet nga i vëllai

Foto ilustruese e armës së përdorur nga 14-vjeçari

Një tragjedi ka ndodhur natën e Krishtlindjeve në SHBA, ku një 23-vjeçare është qëlluar për vdekje nga vëllai i saj 14-vjeçar pas një sherri për dhuratat e Krishtlindjeve. Menjëherë pas kësaj, vëllai tjetër një 15-vjeçar ka qëlluar me armë 14-vjeçarin duke e lënë të plagosur.

Diskutimi filloi teksa bënte pazar me nënën e tij dhe një vëlla tjetër 15-vjeçar, por më pas debati vazhdoi edhe në shtëpinë e gjyshes së tij, në një qytet pranë Tampës. Pikërisht aty 14-vjeçari ka nxjerrë një pistoletë gjysmë automatike, raporton La Repubblica.

Motra e tij, e cila me sa duket nuk e kishte marrë seriozisht, i kërkoi disa herë që të ulte armën dhe të ndalonte se "është Krishtlindje". Si kundërpërgjigje ai e qëlloi në gjoks dhe e vrau. Vëllai tjetër doli me një armë tjetër dhe nga ana e tij qëlloi 14-vjeçarin, i cili i është nënshtruar një operacioni dhe nuk është në gjendje të rëndë. Ai akuzohet për vrasje dhe armëmbajtje pa leje. Të dy djemtë ishin dënuar më parë për grabitje.

14-vjeçari akuzohet për vrasje të shkallës së parë dhe përdorim të paligjshëm të armës, ndërsa vëllai i tij 15-vjeçar akuzohet për vrasje të mbetur në tentativë.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Lojërat Olimpike, Edi Rama: Krenar për ekipin shqiptar që do të na përfaqësojë në Paris

Lojërat Olimpike, Edi Rama: Krenar për ekipin shqiptar që do të na përfaqësojë në Paris