SHBA, talebanët letër të hapur
Trump: Hiq dorë nga Afganistani

Grupi  militant i talebanëve, nëpërmjet një letre të hapur drejtuar presidentit të Shteteve të Bashkuara të Amerikës, Donald Trump, i ka bërë thirrje këtij të fundit që të heqi dorë nga Afganistani.

 “Përvojat e mëparshme kanë treguar se shtimi i trupave në Afganistan nuk do të ketë rezultat tjetër, përveç shkatërrimit të mëtejmë të ushtrisë amerikane dhe ekonomisë së saj”, është thënë në letrën që u është dërguar gazetarëve.

Letra e cila mban autorësinë e zëdhënësit të talebnëve ,Zabihullah Mujahid, thotë se tërheqja e trupave amerikane, do të sillte “fundin e një lufte të trashëguar”.

Gjithashtu në letër është kërkuar edhe rishikimi i strategjisë amerikane në Afganistan.

Aktualisht në Afganistan gjendjen në shërbim 8.400 trupa amerikane, pasi pjesa më e madhe e trupave të NATO-s nuk janë larguar që prej vitit 2014.

Mediat amerikane më herët kanë raportuat se Mattis kishte rekomanduar dërgimin e 4 mijë trupave të tjerë amerikan në Afganistan, por ende nuk është miratuar asgjë nga ana e Trump.

Redaksia Online
D.T/Shqiptarja.com