POP 5

Lajmet më të lexuara të 5 minutave të fundit

Bota

SHBA: Teherani ka dërguar personel ushtarak në Krime t'u mësojnë rusëve si t'i përdorin dronët iranianë

Shtëpia e Bardhë tha të enjten se SHBA-të kanë prova se trupat iraniane janë “angazhuar drejtpërdrejt në terren” në Krime, duke mbështetur sulmet e Rusisë me dron ndaj infrastrukturës dhe popullatës civile në Ukrainë

SHBA: Teherani ka dërguar personel ushtarak në Krime t'u mësojnë rusëve si t'i përdorin dronët iranianë

Zëdhënësi i Këshillit të Sigurisë Kombëtare, John Kirby

Shtëpia e Bardhë tha të enjten se SHBA-të kanë prova se trupat iraniane janë “angazhuar drejtpërdrejt në terren” në Krime, duke mbështetur sulmet e Rusisë me dron ndaj infrastrukturës dhe popullatës civile në Ukrainë.

Zëdhënësi i Këshillit të Sigurisë Kombëtare John Kirby u tha gazetarëve se Irani ka dërguar një "numër relativisht të vogël" personeli ushtarak në Krime, për të ndihmuar trupat ruse në lëshimin e dronëve të prodhuar nga Irani. Në 2014, në kundërshtim me ligjin ndërkombëtar Rusia aneksoi Krimenë, një territor i Ukrainës.

“Informacioni që kemi është se iranianët kanë dislokuar në Krime personel që u mëson rusëve si t'i përdorin (dronët)e për të garantuar mbështetje teknike, por janë (trupat) ruse ata që po bëjnë pilotimin e dronëve”, tha zoti Kirby.

SHBA-të zbuluan për herë të parë këtë verë se Rusia po blinte dronë iranianë, gjë që Teherani e ka hedhur poshtë.

Zyrtarët amerikanë besojnë se Teherani mund të ketë dislokuar personel ushtarak për të ndihmuar rusët, pjesërisht për shkak të mungesës së njohurive që kanë trupat ruse në përdorimin e dronëve të prodhuar nga Irani. Sipas gjetjeve të zbulimit amerikan rusët u përballën me probleme teknike në përdorimin e dronëve iranianë, menjëherë pas dorëzimit të tyre në gusht.

Këto zhvillimeve, që tregojnë përfshirjen e Iranit në luftën e Moskës në Ukrainë, duke ofruar ndihmë teknike për trupat ruse, vijnë në momente të ndjeshme për Teheranit, ndërsa vendi është përfshirë nga protestat mbi vjekjen në paraburgim të një vajze 22 vjeçare. Administrata amerikane i ka vendosur sanksione të reja Iranit lidhur me shtypjen brutale të protestave antiqeveritare./VOA

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça