OKLAHOMA- Të paktën 24 njerëz përfshirë 7 fëmijë janë konfirmuar që kanë humbur jetën nga stuhia e madhe që goditi shtetin e Oklahomës në Shtetet e Bashkuara ditën e hënë.

Mediat lokale raportojnë se rreth 120 persona janë lënduar dhe po marrin trajtimin e duhur në spitalet e zonës.

Erërat e forta arritën shpjetësinë deri në 320 kilometra duke shaktërruar çdo gjë dhe më i dëmtuari është lagjja Moore në jug të qytetit të Oklahomës.

Stuhia e fuqishme shkuli çatitë e ndërtesave, pemë e deri tek veturat nëpër rrugë. Të mbijetuarit përshkruan goditjen e tornados të frikshme dhe të llahtarshme.

Stuhia apokaliptike la gërmadha shtëpish, mbetje makinash të përmbysura dhe të stivuara mbi njëra-tjetrën, dhe shumë shtylla elektrike të rrëzuara.

Mijëra banorë kanë mbetur pa strehë dhe energji elektrike për shkak të stuhisë vrasëse.
 
Presidenti amerikan, Barack Obama, ka shpallur gjëndjen e emergjencës së fatkeqësisë natyrore në rajon dhe ka urdhëruar autoritetet federale që të ndihmojnë në përpjekjet për ripëtritje.
Kostoja e dëmeve materiale është vlerësuar në miliona dollarë.

Redaksia online
(lç/sg/shqiptarja.com)